Memleket basshysy Qasym-Jomart Toqaevtyń halyq aldyndaǵy áleýmettik mindettemelerdi oryndaý jónindegi tapsyrmalaryn oryndaý aiasynda QR Premer-Ministriniń orynbasary Eraly Toǵjanov bastaǵan úkimettik delegatsiia osy kúnderi elimizdiń batys oblystarynda jumys saparymen júr, dep habarlaidy "Ult aqparat" Úkimet basshysynyń baspasóz qyzmetine silteme jasap.
Delegatsiia quramynda: Energetika ministri Nurlan Noǵaev, Qazaqstan Respýblikasy Prezidentiniń kómekshisi Qanat Bozymbaev, «QazMunaiGaz» UK AQ Basqarma tóraǵasy Alik Aidarbaev, sondai-aq Eńbek ministrligi, indýstriia jáne infraqurylymdy damytý vitse-ministrleri bar.
Keshe delegatsiia Mańǵystaý jáne Atyraý oblystarynda boldy. Búgin Aqtóbe oblysyna keldi. Sodan keiin Batys Qazaqstan jáne Qyzylorda oblystaryna barady.
Jumys sapary barysynda Eraly Toǵjanov batystaǵy úsh aimaqta oblys ákimderi men munai-gaz sektory ókilderiniń qatysýymen munai jáne munai salasyndaǵy qyzmet kórsetý kompaniialarynyń problemalyq máseleleri boiynsha birqatar kezdesýler ótkizdi. Kezdesýlerde álemdik qarjy-ekonomikalyq daǵdarystyń Qazaqstan ekonomikasyna áseri, sondai-aq áleýmettik-eńbek kún tártibiniń ózekti máseleleri talqylandy.
«Álemdegi ekonomikalyq jaǵdaidy qiyndatatyn eń úlken másele - munai baǵasynyń tómendeýi. Sonymen qatar, koronavirýstyq indet ekonomikaǵa keri áserin tigizdi. OPEK + músheleriniń kelispeýshiligi munai baǵasynyń 30% tómendeýine ákeldi. Bolashaqta bir barrel úshin 20-40 dollar deńgeiinde ekonomikalyq damýdyń stsenariii jáne biýdjettik parametrlerdiń esebi bar «, - dedi Eraly Toǵjanov.
Sonymen birge, Qazaqstan Respýblikasy Premer-Ministriniń orynbasary jinalysqa qatysýshylardy áleýmettik turaqtylyq pen ult densaýlyǵy máseleleri el Prezidentiniń turaqty baqylaýynda jáne Úkimet qazirdiń ózinde qajetti sharalardy qabyldaýda dep sendirdi.
«Birinshiden, barlyq áleýmettik mindettemeler ýaqytyly oryndalady. Ekinshiden, eńbek naryǵyndaǵy turaqtylyqty qamtamasyz etý jáne jumyssyzdyqtyń kúrt ósýine jol bermeý úshin eldi mekenderdi jóndeý jáne abattandyrý boiynsha infraqurylymdyq jobalardy iske asyrý úshin arnaiy jol kartasy jasalynýda. Bul rette jumystan bosatylatyn jumysshylar men jumyssyzdardy jumysqa ornalastyrýǵa erekshe kóńil bólinedi», - dedi QR Premer-Ministriniń orynbasary.
Azamattardyń ál-aýqatyn saqtaýdyń mańyzdylyǵyn atap ótken Eraly Toǵjanov jergilikti bilik organdary men jumys berýshilerdi ár aimaqta áleýmettik kepildikterdi qamtamasyz etý sharalaryn kúsheitýge shaqyrdy.
«Ózderińiz bilesizder, munai-gaz salasy - el ekonomikasynyń negizgi qozǵaýshy kúshi. Halyqtyń ál-aýqaty úshin eń bastysy - jumyspen qamtý. Sondyqtan búgingi tańda jumys oryndaryn saqtaý jáne qyzmetkerlerge eńbekaqyny ýaqtyly tóleý óte mańyzdy», - dedi Eraly Toǵjanov.
Kezdesýler barysynda oblys ákimderi Úkimet múshelerine óz aimaqtaryndaǵy áleýmettik-eńbek jaǵdaiy týraly tolyq aqparat berdi.
Mańǵystaý oblysynyń ákimi Serikbai Turymovtyń aitýynsha, 9 bankrottyq kásiporynda 127 qyzmetkerge 75,9 million teńge kóleminde jalaqy qaryzdary bar. Olardyń qaitarymy bankrottyq rásimder aiasynda júzege asyrylady. Jalpy oblysta eki myńǵa jýyq jańa jumys oryndary quryldy, al 293 726 teńge kólemindegi jalaqy respýblika boiynsha ortasha kórsetkishten joǵary. Mańǵystaý oblysynda ataýly áleýmettik kómekti 2,5 myń otbasy alady.
Atyraý oblysynyń ákimi Mahambet Dosmuhambetovtyń aitýynsha, aimaqtaǵy jumyssyzdyq deńgeii 4,8% quraidy. Ataýly áleýmettik kómek 1200 otbasyna kórsetiledi. Jalpy oblysta áleýmettik turaqtylyqty saqtaý úshin barlyq sharalar qabyldanýda.
Atyraý oblysynda jalaqy 334 583 teńgeni quraidy. Bul da respýblikadaǵy ortasha ailyq kórsetkishten asady.
Búgingi tańda barlyq respýblikalyq munaidyń 52% -y Atyraý oblysynda óndiriledi. Iri óndirýshi kompaniialar - «Teńizshevroil» JShS, «NKOK», «Qazmunaigaz» AQ. Qazirgi ýaqytta munai óndirisi salasynda 15 myńǵa jýyq jumysshy, al 80 myńǵa jýyq adam munai servistik kompaniialarda jumys isteidi.
Qazaqstan Respýblikasy Prezidentiniń kómekshisi Qanat Bozymbaevtyń aitýynsha, memleket munai baǵasynyń quldyraýy men pandemiiamen bailanysty daǵdarystyq jaǵdailardyń aldyn alý boiynsha jospar ázirleýde.
Kezdesýge qatysqan TShO-nyń bas direktory Imer Bonner «Teńizshevroil» kompaniiasynyń munai óndirý men ony qaita óńdeý jumystary qalypty jaǵdaida júrgizilip jatqanyn atap ótti.
«TShO munai baǵasynyń tómendeýine bailanysty qiyn ekonomikalyq jaǵdaidan shyǵa alady. Sebebi bizdiń kompaniia tarihynda osyndai kezeń bolǵan. Sonymen qatar, jumysshylardyń qysqarýy bolmaidy. Biz ózimizdiń biznes-sheshimderimizdi qarap jatyrmyz jáne barlyq mindettemelerdi oryndaimyz», - dedi TShO bas direktory.
14 naýryzda úkimettik delegatsiia Aqtóbe oblysyna keldi. Óńirdiń belsendilerimen jáne aimaqtaǵy eń iri munai-servistik kompaniialar basshylarymen kezdesý barysynda Aqtóbe oblysynyń áleýmettik-eńbek salasyndaǵy aǵymdaǵy jaǵdaiy egjei-tegjeili sóz boldy. Munai-gaz salasy aimaqtyń ónerkásip qurylymynda eń úlken úleske ie. Iaǵni 35% -dan asady.
Aqtóbe oblysynyń ákimi Ońdasyn Orazalinniń aitýynsha, aimaqtyń munai-gaz salasy kásiporyndarynda 15 myńnan astam qyzmetker jumys isteidi. Jumys oryndaryn saqtaý aiasynda barlyq kompaniialarmen ujymdyq sharttar men memorandýmdarǵa qol qoiyldy. Qazaqstan Respýblikasy Memleket basshysynyń tapsyrmasyna sáikes osy jyldyń basynan bastap munai-gaz salasynda jalaqynyń ósýi orta eseppen 15% nemese 11 myńǵa jýyq qyzmetkerdi qurady, al basqa kásiporyndarda jalaqyny kóterý máselesi quryltaishylardyń qaraýynda.
Tutastai alǵanda, az qamtylǵan azamattarǵa áleýmettik qoldaý kórsetý jáne kásiporyndarda aǵymdaǵy jáne merzimi ótken jalaqy boiynsha bereshektiń joqtyǵyn eskere otyryp, óńirlerde turaqty áleýmettik jaǵdai baiqaldy.
Kezdesýden keiin Qazaqstan Respýblikasy Premer-Ministriniń orynbasary Eraly Toǵjanov Energetika ministrligine jáne oblys ákimdikterine birqatar problemalyq máselelerdi sheshýde munai-gaz salasynyń ókilderimen yntymaqtastyqty nyǵaitýdy tapsyrdy.
Birinshiden, óndiris josparlaryn qaita qaraý jáne munai baǵasynyń ózgerýine bailanysty daǵdarysqa qarsy jol kartalaryn jasaý tapsyryldy.
Eńbek mindettemelerin oryndaý aiasynda Eraly Toǵjanov eńbek daýlaryn boldyrmaý, jumys oryndaryn saqtaý jáne kásiporyndardyń jumysshylaryna ýaqytyly jalaqy tóleý jóninde naqty sharalar qabyldaýdy tapsyrdy. Onyń oryndalý barysyn baqylaý Qazaqstan Respýblikasynyń Energetika ministrligine júkteldi.
Úkimet delegatsiiasynyń Mańǵystaý, Atyraý jáne Aqtóbe oblystaryna sapary barysynda Premer-Ministrdiń orynbasary Eraly Toǵjanov, oblys ákimderine jergilikti jerlerde koronavirýstyq infektsiianyń taralýy boiynsha epidemiologiialyq jaǵdaiǵa turaqty monitoring júrgizýdi tapsyrdy.
«Bizdiń elimizde koronavirýstyń taralýyn boldyrmaý úshin shuǵyl sharalar qabyldanǵanyn bilesizder. Ókinishke qarai, bizdiń elde koronavirýs qaýpi týraly aqparat rastaldy. Búgin bizdiń aldymyzda koronavirýstyq pnevmoniiaǵa qarsy turý mańyzdy mindet bolyp tur», - dep atap ótti Eraly Toǵjanov.
Aqtaý, Atyraý jáne Aqtóbede bolǵan sapar barysynda Eraly Toǵjanov koronavirýstyq infektsiiasy bar naýqastarǵa meditsinalyq kómek kórsetý úshin meditsinalyq uiymdardyń daiyndyq deńgeiimen jáne oblystyq týberkýlezge qarsy dispanserlerinde jáne juqpaly aýrýhanalarda boldy.
Aýrýdyń aldyn alý úshin elimizdiń aimaqtarynda oqshaýlanýǵa arnalǵan aýrýhanalar taǵaiyndalǵan. Mańǵystaý oblysynda: 60 tósektik Mańǵystaý oblystyq aýrýhanasynyń infektsiialyq bólimi, 280 tósektik oblystyq týberkýlezge qarsy dispanseri (farmatsevtikalyq aýrýhana), 70 tósektik Jańaózen qalasyndaǵy kópsalaly aýrýhananyń infektsiialyq bólimi. Oblysta 7 sanitarlyq karantin pýnkti bar.
Atyraý oblysynda barlyq meditsinalyq nysandar da iske qosyldy, shekaralyq karantin beketteri ornatyldy, meditsina qyzmetkerleri oqytylyp, jeke qorǵanys quraldarymen qamtamasyz etildi. Sonymen qatar, aimaqta jeldetýdiń 12 mehanikalyq qurylǵysy jáne 100 oryndyq oqshaýlanǵan ǵimarat bar.
Aqtóbe oblysynda koronavirýstyq infektsiianyń taralýynyń aldyn alý sharalary aiasynda da qajetti sharalar qabyldanýda. 130 kereýetke arnalǵan tósek qory, modernizatsiialanǵan materialdyq-tehnikalyq bazasy bar infektsiialyq aýrýhana, 200 oryndyq farmatsevtikalyq aýrýhana, 500 oryndyq observatsiia jasaldy. Mekemeler qajetti dári-dármektermen qamtamasyz etilgen. Meditsina qyzmetkerleri oqytyldy.
Qazaqstan Respýblikasy Premer-Ministriniń orynbasary qajetti dári-dármekterdiń qoryn saqtaý jáne meditsinalyq uiymdardy qajetti meditsinalyq jabdyqtarmen jáne jeke qorǵanys quraldarymen qamtamasyz etýdiń mańyzdylyǵyn atap ótti.
Sondai-aq, infektsiialyq aýrýhanalardyń patsientterdi qabyldaýǵa erterek daiyndyǵy men qajet bolǵan jaǵdaida qosymsha oryndarmen jedel qamtamasyz etý qajettiligine erekshe nazar aýdarylady.
Úkimet delegatsiiasynyń jumys sapary Batys Qazaqstan jáne Qyzylorda oblystarynda jalǵasady.
Eske salaiyq, QR Prezidenti Qasym-Jomart Toqaevtyń tapsyrmasymen Premer-Ministrdiń basshylyǵymen eldegi ekonomikalyq jaǵdaidyń daǵdarysqa qarsy josparyn ázirleý úshin jedel áreket etý shtaby quryldy.
Memleket basshysy Úkimetke halyq aldyndaǵy barlyq mindettemelerdi tolyǵymen oryndaýdy, jumyspen qamtýdy jáne áleýmettik turaqtylyqty qamtamasyz etý jónindegi sharalardy kúsheitýdi tapsyrdy. 13 naýryzda Qazaqstan Respýblikasy Premer-Ministriniń orynbasary Eraly Toǵjanov bastaǵan úkimettik delegatsiia eldiń batys aimaqtaryna attandy.
