2020 jylǵy 21 tamyzda qazaqtyń Uly aqyny Abaidyń 175 jyldyǵyna orai L. N. Gýmilev atyndaǵy Eýraziia ulttyq ýniversitetinde QR Premer-Ministriniń orynbasary Eraly Toǵjanovtyń tóraǵalyǵymen kóshpeli keńes ótti. Bul týraly QR Úkimetiniń saity habarlaidy.
Qazaqstan Respýblikasy Premer-Ministriniń orynbasary Eraly Toǵjanov alǵy sózinde Abai shyǵarmalaryn halyq arasynda, ásirese, óskeleń urpaq arasynda keńinen túsindirý men nasihattaý qajettigin atap ótti.
Is-shara barysynda L. N. Gýmilev atyndaǵy Eýraziia ulttyq ýniversitetiniń rektory Erlan Sydyqov «Abai akademiiasy» ǵylymi-zertteý institýtynyń qyzmeti men josparlary týraly baiandady.
Baiandamashy «Abai akademiiasy» ǵylymi-zertteý institýtynyń QR Prezidenti Qasym-Jomart Toqaevtyń tapsyrmasymen 2019 jylǵy jeltoqsanda Uly aqynnyń shyǵarmashylyq ómirbaianyn obektivti baǵalaý jáne tereń zertteý úshin Eýraziia ulttyq ýniversitetinde ashylǵanyn jáne búginde 100-den astam ǵalymnyń akademiia aiasynda etnolingvistika, áleýmettaný, tarih jáne mádeniet turǵysynan Abai jumystaryn zerttep jatqanyn habarlady.
«Abai akademisy» ǵylymi-zertteý institýty ashylǵannan beri 100 danadan 16 kitap shyǵaryp, tanystyrdy, sonymen qatar jyl sońyna deiin 10-ǵa jýyq ǵylymi eńbek shyǵarýdy josparlap otyr. EUÝ rektory institýttyń zertteý baǵytyndaǵy óz usynystary boiynsha odan ári jumys júrgiziletinin aityp ótti.
Abaidyń Qara sózderine jańa túsinik berý, «Abaidyń aqyndyq álemi» taqyrybynda monografiialar, ǵylymi eńbekter shyǵarý men taratý, «Abai jáne qazaq qoǵamy» taqyrybynda gýmanitarlyq ǵylymdar salasynda zertteýler júrgizý, abaitanýshylardyń eńbekterin seriialarda basyp shyǵarý usynyldy.
Ýniversitet rektory «Abai Qunanbaevtyń murasy: qoǵamdyq-gýmanitarlyq ǵylymdar aspektisindegi jańa uǵym», sondai-aq «Qazirgi Qazaqstan jáne Abai Qunanbaevtyń murasy: sabaqtastyq jáne yqpal» atty eki ǵylymi jobaǵa basa nazar aýdardy. Sondai-aq osy jobalardyń ǵylymi-zertteý traektoriiasy anyqtalyp, oǵan Abaidy zertteý boiynsha barlyq ortalyqtar qatysa alatynyn atap ótti.
Jobalar aiasynda aqynnyń murasy týraly ǵylymi basylymdar (monografiialar, ǵylymi eńbekter, oqý materialdary) shyǵarý, sondai-aq qazaq jáne álem ádebieti, tarih máseleleri boiynsha sheteldik ǵalymdarmen, halyqaralyq birlestiktermen, ǵylymi ortalyqtarmen birlesken jumys josparlanyp otyrǵanyn tilge tiek etti.
Keńes qorytyndysy boiynsha QR Premer-Ministriniń orynbasary Eraly Toǵjanov birqatar ministrlikterge naqty tapsyrmalar júktedi jáne Bilim jáne ǵylym ministrligine «Abai akademiiasy» ǵylymi-zertteý institýtynyń bastamalaryn qoldaý qajet ekenin erekshe atap ótti. Buǵan qosa keńeske qatysýshylarǵa atalmysh institýttyń qyzmeti Qazaqstan Prezidenti Qasym-Jomart Kemeluly Toqaevtyń baqylaýynda ekenin eske saldy.
