Qazgidromet elimizdiń toǵyz óńirinde aýa raiyna bailanysty eskertý jariialady, dep habarlaidy "Ult aqparat".
25 tamyzda Qostanai oblysynyń soltústiginde, soltústik-batysynda naizaǵai jarqyldap, shyǵystan jel soǵady, jeldiń jyldamdyǵy15-20 m/s jetedi. Kúndiz 37 gradýs qatty ystyq saqtalady. Óńirdiń, ońtústiginde jáne batysynda órt qaýipi saqtalady.
Aqtóbe oblysynda 37 gradýsqa deiin aptap ystyq kútiledi, óte joǵary órt qaýpi saqtalady.
Batys Qazaqstan oblysynyń soltústiginde, soltústik-batysynda naizaǵai jarqyldaidy. Kúndiz 36 gradýs ystyq bolady. Órt qaýpi bar.
Qyzylorda oblysynda órt qaýpi saqtalady.
Mańǵystaý oblysynyń batysynda, soltústik-batysynda naizaǵai jarqyldaidy. Kúndiz oblystyń ońtústiginde 38 gradýs ystyq saqtalady.
Aqmola oblysynyń shyǵysynda naizaǵai kútiledi. Soltústik-shyǵystan, shyǵystan jel soǵady, al kúndiz oblystyń batysynda jáne shyǵysynda jeldiń kúshi 15-20 m/s jetedi. Órt qaýpi saqtalady.
Qaraǵandy oblysynyń soltústiginde, shyǵysynda, batysynda soltústik-shyǵystan jel soǵady, ekpini 15-20 m/s jetýi yqtimal. Oblystyń batysynda naizaǵai kútiledi. Al ońtústik-batysynda órt qaýpi saqtalady.
Soltústik Qazaqstan oblysynyń soltústik-shyǵysynda naizaǵai jarqyldaidy. Shyǵystan jel soǵady, kúndiz oblystyń ońtústik-shyǵysynda kúshi 15-20 m/s. Kúndiz 35 gradýs ystyq bolady. Oblystyń ońtústik-batysynda órt shyǵý qaýpi bar.
Atyraý oblysynyń ońtústik-shyǵysynda naizaǵai, ońtústik-batys, batystan soǵatyn jel naizaǵai kezinde 15-20 m/s kúsheiedi. Kúndiz 36 gradýs ystyq. Órt qaýpi saqtalady.
