TMD Parlamenttik Assambleiasy ulttyq zańnamalardy jetildirýge úlken úles qosyp keledi. Bul týraly QR Parlamenti Senatynyń Tóraǵasy Máýlen Áshimbaev Almatyda ótip jatqan TMD elderi Parlamentaralyq Assambleiasy Keńesiniń mereitoilyq otyrysynda atap ótti, dep habarlaidy QazAqparat.
Senat spikeriniń aitýynsha, búginge deiin Assambleia 600-den astam modeldi zań men basqa da qujattardy ázirlep, qabyldady. TMD elderiniń Parlamentteri olardy óz memleketteriniń quqyqtyq bazasyn qalyptastyrý kezinde belsendi paidalandy.
«Assambleia aiasynda halyqaralyq konferentsiialar men forýmdar turaqty túrde ótip keledi. Ondai aýqymdy jiyndarda kóshi-qon, ekologiia, terrorizm jáne ekstremizmmen kúres salalary, sondai-aq basqa da mańyzdy baǵyttar boiynsha birlesken sharalar talqylanyp, ázirlenedi. Sondyqtan qazirgi tańda TMD Parlamentaralyq Assambleiasyn eń tiimdi parlamentaralyq birlestikterdiń biri dep esepteimiz», – dedi Senat Tóraǵasy.
