2019 jyldyń jeltoqsan aiynyń sońǵy kúnderinde elordadaǵy stamotologiialyq klinikalarynyń birinde tisin emdetkennen keiin es-tússiz qalǵan búldirshin kóz jumdy, dep habarlaidy "Ult aqparat".
«Qorǵai almaǵanym úshin keshir, qyzym. Búgin saǵat 13-50-de Alisa perishtege ainaldy», - dep jazdy búldirshinniń anasy Anastasiia Zelenaia Instagram paraqshasynda.
Bul aqparatty Nur-Sultan qalalyq qoǵamdyq densaýlyq saqtaý basqarmasynyń baspasóz qyzmeti de rastady.
«Ókinishke orai 21 maýsym kúni №2 qalalyq kópbeiindi balalar aýrýhanasynda es-tússiz jatqan kishkentai qyz qaitys boldy. 1,5 jyldan astam ýaqyt boiy meditsina qyzmetkerleri, barlyq dárigerler búldirshinniń ómiri úshin kúresip, janyn aman alyp qalýǵa tyrysty. Biraq, kishkentai qyz óte aýyr halde jatqandyqtan ómirin saqtap qalý múmkin bolmady», dedi basqarmanyń baspasóz hatshysy Áikerim Ardaqqyzy.
Eske salaiyq, 2020 jyldyń qańtar aiynda elorda turǵyny Anastasiia Zelenaia eki jarym jastaǵy balasy stomatologiialyq klinikaǵa qaralǵannan keiin es-tússiz kúige túskenin habarlaǵan bolatyn. Osydan keiin tis emhanasyna tekserý júrgizilip birqatar kemshilikter anyqtalǵan edi.
