2019 جىلدىڭ جەلتوقسان ايىنىڭ سوڭعى كٷندەرٸندە ەلورداداعى ستاموتولوگييالىق كلينيكالارىنىڭ بٸرٸندە تٸسٸن ەمدەتكەننەن كەيٸن ەس-تٷسسٸز قالعان بٷلدٸرشٸن كٶز جۇمدى, دەپ حابارلايدى "ۇلت اقپارات".
«قورعاي الماعانىم ٷشٸن كەشٸر, قىزىم. بٷگٸن ساعات 13-50-دە اليسا پەرٸشتەگە اينالدى», - دەپ جازدى بٷلدٸرشٸننٸڭ اناسى اناستاسييا زەلەنايا Instagram پاراقشاسىندا.
بۇل اقپاراتتى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ دە راستادى.
«ٶكٸنٸشكە وراي 21 ماۋسىم كٷنٸ №2 قالالىق كٶپبەيٸندٸ بالالار اۋرۋحاناسىندا ەس-تٷسسٸز جاتقان كٸشكەنتاي قىز قايتىس بولدى. 1,5 جىلدان استام ۋاقىت بويى مەديتسينا قىزمەتكەرلەرٸ, بارلىق دەرٸگەرلەر بٷلدٸرشٸننٸڭ ٶمٸرٸ ٷشٸن كٷرەسٸپ, جانىن امان الىپ قالۋعا تىرىستى. بٸراق, كٸشكەنتاي قىز ٶتە اۋىر حالدە جاتقاندىقتان ٶمٸرٸن ساقتاپ قالۋ مٷمكٸن بولمادى», دەدٸ باسقارمانىڭ باسپاسٶز حاتشىسى ەيكەرٸم ارداققىزى.
ەسكە سالايىق, 2020 جىلدىڭ قاڭتار ايىندا ەلوردا تۇرعىنى اناستاسييا زەلەنايا ەكٸ جارىم جاستاعى بالاسى ستوماتولوگييالىق كلينيكاعا قارالعاننان كەيٸن ەس-تٷسسٸز كٷيگە تٷسكەنٸن حابارلاعان بولاتىن. وسىدان كەيٸن تٸس ەمحاناسىنا تەكسەرۋ جٷرگٸزٸلٸپ بٸرقاتار كەمشٸلٸكتەر انىقتالعان ەدٸ.
