Foto: ashyq derekkóz
Astanada internet arqyly alaiaqtyq jasaǵan 20 jastaǵy qala turǵynyna úkim shyqty. Ol tanysýǵa arnalǵan Tinder qosymshasyna áiel adamnyń atymen «Nurai» dep tirkelip, óziniń Telegram akkaýntyna silteme qaldyrǵan, dep habarlaidy Ult.kz.
Telegram-da beitanys qyzdyń sýretin qoiyp, jalǵan paraqsha ashqan. Sodan keiin jábirlenýshimen tildesip, kezdesýge ýáde berip, ártúrli syltaýlarmen odan aqsha surai bastaǵan.
Qaskóidiń aram piǵylynan beihabar jábirlenýshi úsh aiǵa jetpeitin ýaqyt ishinde 4 mln teńgeden astam qarjysyn aýdarǵan.
Sot aiyptalýshyny aqparattyq júie paidalanýshysyna qatysty iri kólemde jasalǵan alaiaqtyq úshin kináli dep tanydy.
Qylmystyq jaýaptylyqty jeńildetetin mán-jailar - jasaǵan isine shyn ókinýi, keltirilgen múliktik zalaldy óz erkimen óteýi jáne aýyrlatatyn mán-jailardyń bolmaýy eskerile otyryp, sot úkimimen oǵan 3 jyl merzimge bas bostandyǵyn shekteý jazasy taǵaiyndalyp, probatsiialyq baqylaý belgilendi.
Prorkýratýra internettegi senim úlken shyǵynǵa ákelýi múmkin ekenin, virtýaldy «tanystardyń» arbaýyna túspeýge jáne saq bolýǵa shaqyrdy.
