Premer-Ministr Baqytjan Saǵyntaevtyń tóraǵalyǵymen ótken Úkimet otyrysynda TKSh salasyndaǵy monopolisterdiń qyzmetterine tarifterdi tómendetý boiynsha júrgizilip jatqan jumystar týraly ulttyq ekonomika ministri Timýr Súleimenov baiandady, dep habarlaidy "Ult aqparat".
Ministr atap ótkendei, TKSh salasyndaǵy monopolisterdiń qyzmetterine, jaryqqa, kómirge, jylýmen, sýmen, gazben jabdyqtaýǵa, káriz júiesine, telefon bailanysyna, internetke, liftterge qyzmet kórsetýge, qoqys shyǵarýǵa tarifterdi tómendetý maqsatynda Ulttyq ekonomika ministrligi birqatar sharalardy qabyldady.
«Búgingi kúni jylýmen, sýmen jáne elektr energiiasymen jabdyqtaý salasyndaǵy 32 monopolist boiynsha tarifterdi 20,3 mlrd teńgege, onyń ishinde sońǵy eki aptada 6 sýbekti boiynsha 1,9 mlrd teńgege tómendetý týraly sheshim qabyldandy. Monopolisterdiń negizsiz alǵan kiristerin anyqtaý jáne olardy tutynýshylarǵa qaitarý maqsatynda 33 jospardan tys tekserý ashyldy. 24 jospardan tys tekserý ashylý aldynda», — dedi T. Súleimenov.
Jylýmen jabdyqtaý
Almaty oblysy: «Jylý jelileri» JShS 320 millionǵa 5 619,46-dan 5 604,85 teńge/Gkal-ǵa (-0,26%) tómendedi;
Sýmen jabdyqtaý
Almaty oblysy: «Qapshaǵai Sý Arnasy» MKK, 93 millionǵa, onyń ishinde sýmen jabdyqtaý 87,92-den 75,34 teńge/m3 (-14,31%), sý burý 108,53-ten 73,99 teńge/m3 (-31,83%) tómendedi;
Elektrmen jabdyqtaý
Aqtóbe oblysy: «Aqtóbeenergosnab» JShS, 314 millionǵa 14,39-dan 14,16 teńge/kVts (-1,6%) tómendedi; Qyzylorda oblysy: «Energoservis» JShS, 200 millionǵa 18,16-dan 17,9 teńge/kVts (-3,67%) tómendedi; Almaty oblysy: «Jetisý Energotreid» JShS, 158 millionǵa 18,16-dan 17,9 teńge/kVts (-1,43) tómendedi; Soltústik Qazaqstan oblysy: «Soltústik energoortalyq» JShS, 9,8 millionǵa 17,9-dan 16,78 teńge/kVts (-6,6%) tómendedi.Ministrlik sonymen qatar, elektr energiiasyna jáne gazǵa arnalǵan kóterme baǵalardy tómendetý jumysyn júrgizýde, bul sońǵy tutynýshylar úshin bólshek baǵalardy tómendetýge múmkindik beredi.
QR UEM oblystardyń jáne Astana, Almaty men Shymkent qalalarynyń ákimdikterimen jylýmen jabdyqtaý, sýmen jabdyqtaý, elektr energiiasyn taratý jáne jabdyqtaý, qoqysty shyǵarý, páter ieleriniń kooperativi, lift qyzmetterine, sondai-aq avtobýs, trolleibýs jáne tramvai tasymaldary qyzmetterine baǵalardy tómendetý boiynsha jumystar júrgizý qajettiligi týraly máseleni pyqystap jatyr.
T. Súleimenov atap ótkendei, Jambyl oblysynyń ákimdiginiń aqparaty boiynsha 2018 jyldyń 1 jeltoqsanynan bastap kelesi qyzmetterdiń baǵalary tómendetiletin bolady:
-
páter ieleriniń kooperativi qyzmetterine 6,7% (15 teńgeden 14,1 teńgege);
-
qoqys shyǵarý qyzmetterine 5% (99 teńgeden 94,4 teńgege);
-
lift qyzmetterine 7% (770 teńgeden 715 teńgege).
Memleket basshysynyń halyqpen keri bailanys uiymdastyrý boiynsha tapsyrmasyn oryndaý maqsatynda halyqpen turǵyn-úi sharýashylyǵy salasyndaǵy problemalyq máseleler jóninde 1312 adam qatysqan 48 qoǵamdyq qabyldaý ótkizildi. T. Súleimenov ótkizilip jatqan qoǵamdyq qabyldaýlarǵa qatysa almaityn tutynýshylar úshin «jedel jeli» telefondary jumys isteitinin habarlady. Jedel jeli telefony 8-8000-8000-12, Qazaqstan boiynsha qońyraý shalý tegin.
Orta merzimdik sharalarǵa qatysty, tarif belgileýdiń ashyqtyǵyn jáne monopolistterdiń tariftik smetalar men investitsiialyq mindettemelerdi oryndaýyn kúsheitý úshin zańnamaǵa túzetýlerdiń eki toptamasy ázirlendi.
Monopolisterge tekserýler júrgizý tetikterin nyǵaitatyn jáne Kásipkerlik kodekske ózgerister engizýdi talap etetin túzetýler Parlament Májilisiniń qaraýyndaǵy biznes ortany damytý jáne saýda qyzmetin retteý máseleleri jónindegi zań jobasynda aldyn ala qarastyrylatyn bolady.
