Tokiodaǵy Ulttyq olimpiada komitetteri qaýymdastyǵynyń (UOKQ) Bas assambleiasynda Qazaqstannyń UOK basshysy Timýr Qulybaev 2018-2022 jyldar aralyǵyna UOKQ Atqarý komitetine múshe bolyp sailandy, dep habarlaidy "Ult aqparat" QR UOK-qa silteme jasap.
Kandidattar álemdegi 206 UOK arasynda qaraldy. Atqarý komitetine qurlyqtyq qaýymdastyqtar usynǵan 24 olimpiadalyq qozǵalystyń sport fýnktsioneri kiredi. Aita ketý kerek, Timýr Qulybaev qazirgi ýaqytta Aziia Olimpiada Keńesiniń vitse-prezidenti qyzmetin de atqarady.
Mundai jaýapty qyzmetke taǵaiyndalý - olimpiada qozǵalysynyń damýyna zor úles qosqanyn, óz elindegi sporttyń damýynda joǵary nátijelerge qol jetkizgenin jáne sportshylardyń halyqaralyq arenada jetistikterdi baǵyndyrýyn kórsetedi.
Eske sala keteiik, 28-29 qarashada Japoniia astanasynda jalpy sany eki júzden astam eldiń Ulttyq olimpiadalyq komitetteriniń basshylary, álemdik sport uiymdarynyń basshylary men halyqaralyq sport federatsiialarynyń prezidentteri kezdesti. Sporttyq forýmǵa jalpy esebi 1400-den asa adam qatysty. Bul osy jiynnyń tarihyndaǵy rekordtyq kórsetkish.
Ulttyq olimpiada komitetteri qaýymdastyǵy (UOKQ) - 206 ulttyq olimpiadalyq komitetiniń basyn biriktiretin, halyqaralyq Olimpiada Komiteti moiyndaǵan halyqaralyq uiym. Ol 5 qurlyqtyq birlestikterge bólip qarastyylady - Afrika, Amerika, Aziia, Eýropa jáne Okeaniia. UOKQ-nyń negizgi mindetteri - barlyq UOK-nyń ózara is-qimylyn qamtamasyz etý jáne jalpy máselelerdi sheshý, olimpiadalyq qozǵalysty jáne olimpiadalyq yntymaqtastyqty nyǵaitýǵa, UOK arasynda Olimpiadalyq yntymaqtastyqty tiimdi túrde taratýǵa jáne Olimpiadalyq qozǵalystyń barlyq kórinisterinde kemsitýshilikti joiýǵa kómektesý úshin HOK jáne qurlyqtyq birlestiktermen yntymaqtasý.
