Foto: kfb.kz
Timýr Qulybaev eks-prezident Nazarbaevtyń biligi tusynda jinaqtalǵan bailyqqa qatysty tergeý aiasynda memleketke shamamen 1 mlrd dollar tóleýdi kózdep otyr. Bul týraly Blomberg-ke kelissóz jaiyn biletin, biraq esimderin atamaýdy suraǵan eki derekkóz habarlaǵan dep jazady Áshkere.
Eger mámile júzege assa, Qulybaev memleketke birqatar qarjy tólemderi men investitsiialar salýdy qolǵa almaq.
"Bul tólemder onyń kinásin moiyndaý retinde qabyldanbaidy", - dep atap ótti derekkózder.
Qulybaevtyń ókili tikelei túsinikteme berýden bas tartyp, "úkimetpen aradaǵy máselege bailanysty kez kelgen aýdarymdy aktivterdi qaitarý dep ataý qate" ekenin aitqan. Sondai-aq ol biznesmenniń el damýyna uzaq jyl boiy úles qocqanyn jáne aldaǵy ýaqta da úkimetpen ózara is-qimyldy jalǵastyratynyn málimdedi.
Bas prokýratýra ókilderi kelissózderdiń qupiialyǵyn alǵa tartyp, pikir bildirýden bas tartypty. 2023 jyly qabyldanǵan zańǵa sai Táýelsizdik alǵaly memqurylymdarda qyzmet etip nemese onymen bailanysy bolǵan adamdardyń 100 mln dollardan asatyn aktivteri qaita tekserilýde.
Bloomberg Billionaires Index deregi boiynsha, 58 jastaǵy Timýr Qulybaevtyń bailyǵy 3,5 mlrd dollarǵa baǵalanady.
"Kelisimge kelý 2022 jylǵy dúrbeleńnen keiin bilikti nyǵaitýǵa tyrysqan prezident Toqaev úshin úlken jetistik", - deidi AQSh basylymy.
Derekkózderdiń sózine qaraǵanda, Qulybaev buǵan deiin de 230 mln dollar tólegen, bul soma bolashaq kelisim sheńberinde tolyq esepke alynýy múmkin.
