فوتو: kfb.kz
تيمۋر قۇلىباەۆ ەكس-پرەزيدەنت نازارباەۆتىڭ بيلٸگٸ تۇسىندا جيناقتالعان بايلىققا قاتىستى تەرگەۋ اياسىندا مەملەكەتكە شامامەن 1 ملرد دوللار تٶلەۋدٸ كٶزدەپ وتىر. بۇل تۋرالى Blomberg-كە كەلٸسسٶز جايىن بٸلەتٸن, بٸراق ەسٸمدەرٸن اتاماۋدى سۇراعان ەكٸ دەرەككٶز حابارلاعان دەپ جازادى ەشكەرە.
ەگەر مەمٸلە جٷزەگە اسسا, قۇلىباەۆ مەملەكەتكە بٸرقاتار قارجى تٶلەمدەرٸ مەن ينۆەستيتسييالار سالۋدى قولعا الماق.
"بۇل تٶلەمدەر ونىڭ كٸنەسٸن مويىنداۋ رەتٸندە قابىلدانبايدى", - دەپ اتاپ ٶتتٸ دەرەككٶزدەر.
قۇلىباەۆتىڭ ٶكٸلٸ تٸكەلەي تٷسٸنٸكتەمە بەرۋدەن باس تارتىپ, "ٷكٸمەتپەن اراداعى مەسەلەگە بايلانىستى كەز كەلگەن اۋدارىمدى اكتيۆتەردٸ قايتارۋ دەپ اتاۋ قاتە" ەكەنٸن ايتقان. سونداي-اق ول بيزنەسمەننٸڭ ەل دامۋىنا ۇزاق جىل بويى ٷلەس قوcقانىن جەنە الداعى ۋاقتا دا ٷكٸمەتپەن ٶزارا ٸس-قيمىلدى جالعاستىراتىنىن مەلٸمدەدٸ.
باس پروكۋراتۋرا ٶكٸلدەرٸ كەلٸسسٶزدەردٸڭ قۇپييالىعىن العا تارتىپ, پٸكٸر بٸلدٸرۋدەن باس تارتىپتى. 2023 جىلى قابىلدانعان زاڭعا ساي تەۋەلسٸزدٸك العالى مەمقۇرىلىمداردا قىزمەت ەتٸپ نەمەسە ونىمەن بايلانىسى بولعان ادامداردىڭ 100 ملن دوللاردان اساتىن اكتيۆتەرٸ قايتا تەكسەرٸلۋدە.
Bloomberg Billionaires Index دەرەگٸ بويىنشا, 58 جاستاعى تيمۋر قۇلىباەۆتىڭ بايلىعى 3,5 ملرد دوللارعا باعالانادى.
"كەلٸسٸمگە كەلۋ 2022 جىلعى دٷربەلەڭنەن كەيٸن بيلٸكتٸ نىعايتۋعا تىرىسقان پرەزيدەنت توقاەۆ ٷشٸن ٷلكەن جەتٸستٸك", - دەيدٸ اقش باسىلىمى.
دەرەككٶزدەردٸڭ سٶزٸنە قاراعاندا, قۇلىباەۆ بۇعان دەيٸن دە 230 ملن دوللار تٶلەگەن, بۇل سوما بولاشاق كەلٸسٸم شەڭبەرٸندە تولىق ەسەپكە الىنۋى مٷمكٸن.
