Rejisser jáne prodiýser Timýr Bekmambetov beisenbi kúni qaza tapqan qazaqstandyq mánerlep syrǵanaýshy, Sochide ótken Olimpiada oiyndarynyń qola júldegeri Denis Tenniń oilastyrǵan jobasyn júzege asyrýdy josparlap otyr, dep habarlaidy TASS agenttigi.
Denis Ten 13 shilde kúni Máskeýde Bekmambetov pen Bazelevs kompaniiasy uiymdastyrǵan Screenlife Project halyqaralyq baiqaýynyń pitchinginde bolashaq kinojobasyn tanystyrǵan bolatyn. Sportshynyń jobasy qulaǵy estimeitin qyz ben mylqaý jigittiń arasyndaǵy sezimge arnalǵan.
Syrǵanaýshy áleýmettik jelilerdegi paraqshalarynda filmniń jobasy týraly udaiy jazyp turǵan. Qoldanýshylar Bazelevs negizin salýshy T. Bekmametovke filmdi ekranǵa shyǵarý týraly usynys tastady.
«Bul - óte aýyr jaǵdai. Denistiń týǵan-týystaryna qaiǵyryp, kóńil aitamyn. Biz mindetti túrde onyń ideiasyn jaryqqa shyǵarýǵa tyrysamyz, talantty tulǵanyń rýhy úshin arnaý-filmdi kórsetemiz. Denis Ten nebári 25 jasynda úlken jetistikterge jetip úlgerdi, aldyǵa qoiǵan josparlary da kóp boldy. Olardy qalai da oryndar edi. Sebebi ol óte eńbekqor jan bolatyn», - dedi Bekmambetov.
Aita keteiik, 19 shilde kúni Almatyda Qazaqstanǵa tanymal sportshylardyń biri Denis Ten jambasynan pyshaqtan jaraqat aldy. Dárigerler qanshama arpalysqanymen onyń ómirin aman alyp qala almady. Denis Tenniń qazasy búkil Qazaqstandi dúrliktirgen qaiǵyly oqiǵa boldy. Elbasy tanymal sportshynyń otbasyna kóńil aitty.
