Qazaqstandyq Timofei Skatov Astana Open ATP 250 týrniriniń alǵashqy ainalymynan asa almady, dep habarlaidy "Ult aqparat".
Dúniejúzilik reitingte 438-orynda turǵan 19 jastaǵy T.Skatov jarysqa arnaiy shaqyrtýmen qosylǵan edi.
Qarsylasy, álemniń 98-raketkasy, 21 jastaǵy finliandiialyq Emil Rýýsývýori elordadaǵy irikteý saiysynda jeńimpaz atanǵandardyń biri bolatyn.
Birinshi partiiada fin sportshysy 3:0 esebimen alǵa ketti. T.Skatov bir breik jasap, esepti qysqartqanymen, sol qarqynyn jalǵastyra almady. E.Rýýsývýori setti taǵy bir breikpen bitirdi – 6:2.
Ekinshi sette fin tennisshisi qazaqstandyqqa birde-bir geim bergen joq – 6:0.
E.Rýýsývýoridiń aiqyn basymdylyǵymen ótken báseke 1 saǵatqa sozyldy.
Sondai-aq Andrei Golýbev pen Aleksandr Nedovesov juptyq synda týrnirdiń 2-raketkasy bolyp tirkelgen aýstraliialyqtar Maks Piorsell men Liýk Sevillden 4:6, 4:6 esebimen jeńilis taýyp, alǵashqy ainalymnan asa almady.
Osylaisha óz elimizde ótip jatqan jarysta qazaqstandyq tennisshiler sátsiz oinap, jarys jolynan shyǵyp qalyp jatyr. Endigi úmit Qazaqstannyń birinshi jáne ekinshi raketkalary Aleksandr Býblik pen Mihail Kýkýshkinde ǵana. Birinshi ainalymda A.Býblik amerikalyq Makkenzi Makdonaldpen, M.Kýkýshkin argentinalyq Federiko Delbonispen kezdesedi.
