Almaty oblysynyń ákimi Amandyq Batalov Taldyqorǵandaǵy Nurǵisa Tilendiev atyndaǵy mýzykalyq mekteptiń jekege ótýine qatysty pikir bildirdi, dep habarlaidy "Ult aqparat".
«Mektepter jekemenshikke berilmeitinin kim aitty? Ázirge eshkimge berilgen joq. Tek (N. Tilendiev atyndaǵy saz mektebi - red.) senimgerlik basqarýǵa berilýde. Jumystar áli júrip jatyr. Sheshim áli qabyldanǵan joq», - dedi Amandyq Batalov búgin elordadaǵy Ortalyq kommýnikatsiialar ortalyǵynda ótken brifingte.
Óńir basshysynyń aitýynsha, óner ordasy jeke kásipkerge senimgerlik basqarýǵa berilgennen keiin, qural-jabdyqtar jańalanyp, ustazdardyń jalaqysyn kóterý syndy máseleler de sheshimin tabady.
Esterińizge sala keteiik, Almaty oblysynda Nurǵisa Tilendiev atyndaǵy saz mektebiniń ustazdary mekemeniń jekege ótkenin bilmei qalǵanyn aityp, narazylyq bildirgen bolatyn. Olardyń sózinshe, mekeme direktory senimgerlik basqarýǵa berý sheshimin ujymmen aqyldaspai qabyldaǵan. Ustazdar óner ordasy jekeniń qolyna ótkennen keiin, tólem aqysy birden kóterilip, talantty balalardyń úiirmelerge qatysýǵa múmkindikteri bolmai qalatynyna alańdaýly. Artynsha muǵalimder de jumyssyz qalatynyna boljam jasap otyr.
