QR Mádeniet jáne sport ministrligi Til saiasaty komitetiniń tóraǵasy qyzmetine Ǵalymjan Sársenbaiuly Meldeshov taǵaiyndaldy, dep habarlaidy "Ult aqparat" ministrliktiń baspasóz qyzmetine silteme jasap.
Ǵalymjan Meldeshov 1964 jyly 30 sáýirde Almaty qalasynda dúniege kelgen.
1981-1986 jyldary Almaty qalasynda S.M. Kirov atyndaǵy Qazaq memlekettik ýniversitetin «jýrnalist» mamandyǵy boiynsha támamdady.
1986-1989 jyldar aralyǵynda Ońtústik Qazaqstan oblysy Bógen aýdandyq gazetinde jaýapty hatshy, bas redaktordyń orynbasary, oblystyq «Ońtústik Qazaqstan» gazetinde qyzmetker, 1989-1999 jyldar aralyǵynda respýblikalyq «Leninshil Jas» - «Jas Alash» gazetinde bólim meńgerýshisi, jaýapty hatshy, bas menedjer, 1999-2009 jyldar aralyǵynda «Túrkistan» gazetinde bas redaktordyń orynbasary, 2009-2012 jyldar aralyǵynda «Qazaqstan» RTRK «Qazaq radiosynyń» bas direktory, 2012-2013 jyldar aralyǵynda Qazaqstan Respýblikasy Bilim jáne ǵylym ministriniń keńesshisi, osy ministrlikke qarasty «Ǵylym qory» AQ Ákimshilik departamentiniń direktory, 2013-2014 jyldar aralyǵynda Mańǵystaý oblysy ákimdiginiń «Mańǵystaý-Media» holdinginiń bas direktory, 2014-2016 jyldar aralyǵynda Qazaqstan Respýblikasy Mádeniet jáne sport ministriniń keńesshisi, 2016-2018 jyldar aralyǵynda Qazaqstan Respýblikasy Mádeniet jáne sport ministrliginiń Tilderdi damytý jáne qoǵamdyq-saiasi jumys komiteti tóraǵasynyń orynbasary.
2018 jyldyń qyrkúiek aiynan bastap Qazaqstan Respýblikasy Mádeniet jáne sport ministrliginiń Til saiasaty komiteti tóraǵasynyń orynbasary qyzmetin atqarýda.
Memlekettik nagradalary: «Qurmet» ordeni. «Qazaqstan Respýblikasynyń Táýelsizdigine 25 jyl», «Qazaqstan Respýblikasy Konstitýtsiiasynyń 20 jyldyǵy» merekelik medaldary, Qazaqstan Respýblikasynyń Mádeniet qairatkeri.
Ǵalymjan Meldeshov - psihologiia ǵylymdarynyń kandidaty, PhD doktory.
