Qazaqstan Respýblikasy Mádeniet jáne sport ministrligi Tilderdi damytý jáne qoǵamdyq-saiasi jumys komitetiniń memlekettik tapsyrmasy negizinde Sh. Shaiahmetov atyndaǵy tilderdi damytýdyń respýblikalyq úilestirý-ádistemelik ortalyǵy men «Qazaqstan KVN Odaǵy» respýblikalyq jastar qoǵamdyq birlestigi birlesip, Til festivali aiasynda halyqaralyq «Jaidarman» oiynyn ótkizedi.
«Jaidarman» oiyndary jastardyń shyǵarmashylyq alańy ǵana emes, qoǵamdaǵy túitkil máselelerdi ázilmen astarlai jetkizetin óner dodasyna ainalǵan jáne qazaqstandyqtar súiip kóretin televiziialyq joba retinde qalyptasty. «Jaidarman» alańynyń mektep jasyndaǵy jetkinshektermen qatar stýdentterdi, jumysshy jastardy qosa alǵanda 200 myńǵa jýyq talanttylardy toptastyrǵany kóńil qýantady.
Búginde Prezidentimizdiń rýhani jańǵyrý jónindegi taǵdyrsheshti úndeýin jastarmen ushtastyrý maqsaty paida boldy. Osy úndeýdegi – ulttyq sana, ulttyq biregeilikti saqtaý, bilimniń saltanat qurýy týraly bólimder – eń aldymen, qazaq jastaryna baǵyttalǵan ustazdyq aqyl men talap dep túsinemiz. Sonymen qatar jobanyń EXPO-2017 kúnderi kezinde ótkizilýi oń rezonans týdyratyndyǵyna senimdimiz.
Jobaǵa Qazaqstan, Resei (qumyq, noǵai, balqar, qarashai, tatar, bashqurt, hakas), Mońǵoliia, Qytai, Qyrǵyzstan, Ózbekstan (ózbek, qaraqalpaq), Ázirbaijan elderinen 10-nan astam komanda qatysady dep kútilýde.
