Semeide 53 jastaǵy áiel TikTok-ta tikelei efirge shyǵyp, ishimdik iship, bylapyt sózder aitqan. Efirdi shamamen 12 myń adam tamashalaǵan, dep habarlaidy ult.kz.
Bul týraly Abai oblysynyń politsiiasy habarlady.
Quqyq qorǵaý organdarynyń málimetinshe, Semeide áleýmettik jelilerge júrgizilgen monitoring kezinde tártip saqshylary quqyqqa qaishy mazmundaǵy tikelei efirdi anyqtaǵan. Efir barysynda áiel ishimdik iship otyrǵanyn ádeii kórsetip, balaǵat sózder aitqan.
Jedel-izdestirý sharalary nátijesinde efir avtorynyń jeke basy anyqtaldy. Ol Semei qalasynyń 53 jastaǵy turǵyny bolyp shyqqan.
Sot sheshimimen azamatsha usaq buzaqylyq jasaǵany úshin kináli dep tanylyp, 5 táýlikke ákimshilik qamaýǵa alyndy.
Ishki ister ministrligi áleýmettik jelilerdegi quqyqqa qaishy kontentti anyqtaý jáne onyń jolyn kesý jumystary júieli túrde júrgizilip jatqanyn atap ótti.
