Almaty oblysynda TikTok pen Instagram áleýmettik jelilerinde qoǵamdyq ádepke qaishy beinerolik jariialaǵan 22 jastaǵy turǵyn ákimshilik jaýapkershilikke tartyldy, dep habarlaidy ult.kz.
Politsiianyń málimetinshe, áleýmettik jelilerge júrgizilgen monitoring barysynda qoǵamdyq tártipti óreskel buzatyn jáne bylapyt sózder qoldanylǵan beine anyqtalǵan. Tekserý nátijesinde onyń avtory Almaty oblysynda turatyn 22 jastaǵy jumyssyz Nursat Pshan ekeni belgili boldy.
Jinalǵan materialdar sotqa joldanyp, quqyq buzýshyǵa 5 táýlik merzimge ákimshilik qamaý jazasy taǵaiyndaldy.
Politsiia áleýmettik jelilerdiń de qoǵamdyq keńistik ekenin eske salyp, internette jariialanǵan kez kelgen material men paidalanýshylardyń áreketi qoldanystaǵy zańnama talaptaryna sáikes baǵalanatynyn málimdedi.
Vedomstvo azamattardy áleýmettik jelilerde zań talaptaryn saqtaýǵa, qoǵamdyq ádep normalaryn buzbaýǵa shaqyrdy.
