Balalardy qorǵaý kúnine orai TikTok Ortalyq Aziia elderinde «Qaýipsiz internet úshin birge!» atty aqparattyq-bilim berý naýqanyn iske qosty. Bastama jasóspirimderdiń tsifrlyq qaýipsizdigin arttyrýǵa, salaýatty onlain ádetterdi qalyptastyrýǵa jáne ata-analar men balalar arasyndaǵy ashyq dialogty damytýǵa baǵyttalǵan, dep habarlaidy ult.kz.
Naýqan aiasynda qazaq, qyrǵyz, ózbek, tájik jáne túrikmen tilderinde animatsiialyq beinerolikter ázirlendi. Onda TikTok-taǵy «Otbasylyq parametrler» fýnktsiiasyn paidalaný, jas shekteýleri, kiberbýllingtiń aldyn alý, jasóspirimderge arnalǵan qaýipsizdik quraldary jáne ekran aldynda ótkiziletin ýaqytty basqarý máseleleri túsindiriledi.
Platforma málimetinshe, TikTok-ty tek 13 jastan asqan paidalanýshylar qoldana alady. Al 16 jasqa tolmaǵandardyń akkaýnttaryna qosymsha qaýipsizdik jáne qupiialyq shekteýleri engizilgen.
Kompaniia jasóspirimderdiń internettegi qaýipsizdigi tek tehnologiialyq quraldarǵa emes, ata-analar men balalar arasyndaǵy senimge negizdelgen qarym-qatynasqa da bailanysty ekenin atap ótti.
TikTok aldaǵy ýaqytta da tsifrlyq qaýipsizdik pen paidalanýshylardyń ál-aýqatyn arttyrýǵa baǵyttalǵan bilim berý jobalaryn jalǵastyratynyn málimdedi.
