Foto: ashyq derekkóz
TikTok platformasy Qazaqstan halqyn ulttyq mádeniettiń ajyramas bóligi sanalatyn Dombyra kúnin atap ótýge shaqyrdy, dep habarlaidy Ult.kz.
Biyl mereke 6 shildege sáikes kelip otyr. Osyǵan orai TikTok qazaqstandyqtar arasynda arnaiy naýqan bastady. Paidalanýshylar #dombyrakúni heshtegi arqyly ulttyq aspapta oryndaǵan ónerlerin videomen bólise alady, sondai-aq eldiń túkpir-túkpirindegi basqa da daryndy dombyrashylardyń ónerin tamashalaýǵa múmkindik alady. Sonymen qatar TikTok LIVE resmi akkaýntynda 4 shilde kúni tikelei efirde onlain-kontsert ótedi. Jeli qoldanýshylaryna dástúrli kúiler, avtorlyq kompozitsiialar jáne kútpegen kaverler usynylady. Onlain keshte Kami Kernai men Jaqsylyq Muhamedjanov óner kórsetedi.
TikTok platformasy merekege arnalǵan arnaiy paraqshany iske qosyp, qoldanýshylardy óz shyǵarmashylyqtaryn keńinen tanystyrýǵa yntalandyrýda. Dombyra tek mýzykalyq aspap qana emes, ǵasyrlar boiy qazaq halqynyń poeziiasyn, oi-armany men rýhani dúniesin jetkizgen mádeni mura. Búginde onyń úni sahnada da, otbasylyq dastarhanda da, TikTok platformasynda da jańǵyryp keledi.
Dombyranyń TikTok-taǵy tanymaldyǵy kún sanap artyp keledi. Qazirgi tańda #dombyra, #dombra, #dombra jáne #dombyra heshtegterimen 64 myńnan astam beine jariialanyp, olardyń sany turaqty túrde ósip keledi. Eń tanymal dombyrashy-kreatorlardyń qataryna @amandyk.kuandyk, @zhakso, @a.akhmetova, @kamikernai syndy akkaýnttar enedi. Bul avtorlardyń jalpy aýditoriiasy 1 millionnan asyp, 17,9 million laik jinaǵan.
TikTok platformasy dombyrany jańa býynmen qaita tabystyryp, ony mádeni jańǵyrý men shyǵarmashylyqtyń simvolyna ainaldyryp otyr. Platformada óner kórsetetin kreatorlar arqyly ulttyq aspaptyń úni álemniń túkpir-túkpirine taralyp, Qazaqstannyń mádeni beinesi jahanǵa keńinen tanystyrylýda.
