فوتو: اشىق دەرەككٶز
TikTok پلاتفورماسى قازاقستان حالقىن ۇلتتىق مەدەنيەتتٸڭ اجىراماس بٶلٸگٸ سانالاتىن دومبىرا كٷنٸن اتاپ ٶتۋگە شاقىردى, دەپ حابارلايدى Ult.kz.
بيىل مەرەكە 6 شٸلدەگە سەيكەس كەلٸپ وتىر. وسىعان وراي TikTok قازاقستاندىقتار اراسىندا ارنايى ناۋقان باستادى. پايدالانۋشىلار #دومبىراكٷنٸ حەشتەگٸ ارقىلى ۇلتتىق اسپاپتا ورىنداعان ٶنەرلەرٸن ۆيدەومەن بٶلٸسە الادى, سونداي-اق ەلدٸڭ تٷكپٸر-تٷكپٸرٸندەگٸ باسقا دا دارىندى دومبىراشىلاردىڭ ٶنەرٸن تاماشالاۋعا مٷمكٸندٸك الادى. سونىمەن قاتار TikTok LIVE رەسمي اككاۋنتىندا 4 شٸلدە كٷنٸ تٸكەلەي ەفيردە ونلاين-كونتسەرت ٶتەدٸ. جەلٸ قولدانۋشىلارىنا دەستٷرلٸ كٷيلەر, اۆتورلىق كومپوزيتسييالار جەنە كٷتپەگەن كاۆەرلەر ۇسىنىلادى. ونلاين كەشتە كامي كەرناي مەن جاقسىلىق مۇحامەدجانوۆ ٶنەر كٶرسەتەدٸ.
TikTok پلاتفورماسى مەرەكەگە ارنالعان ارنايى پاراقشانى ٸسكە قوسىپ, قولدانۋشىلاردى ٶز شىعارماشىلىقتارىن كەڭٸنەن تانىستىرۋعا ىنتالاندىرۋدا. دومبىرا تەك مۋزىكالىق اسپاپ قانا ەمەس, عاسىرلار بويى قازاق حالقىنىڭ پوەزيياسىن, وي-ارمانى مەن رۋحاني دٷنيەسٸن جەتكٸزگەن مەدەني مۇرا. بٷگٸندە ونىڭ ٷنٸ ساحنادا دا, وتباسىلىق داستارحاندا دا, TikTok پلاتفورماسىندا دا جاڭعىرىپ كەلەدٸ.
دومبىرانىڭ TikTok-تاعى تانىمالدىعى كٷن ساناپ ارتىپ كەلەدٸ. قازٸرگٸ تاڭدا #دومبىرا, #دومبرا, #dombra جەنە #dombyra حەشتەگتەرٸمەن 64 مىڭنان استام بەينە جارييالانىپ, ولاردىڭ سانى تۇراقتى تٷردە ٶسٸپ كەلەدٸ. ەڭ تانىمال دومبىراشى-كرەاتورلاردىڭ قاتارىنا @amandyk.kuandyk, @zhakso, @a.akhmetova, @kamikernai سىندى اككاۋنتتار ەنەدٸ. بۇل اۆتورلاردىڭ جالپى اۋديتوريياسى 1 ميلليوننان اسىپ, 17,9 ميلليون لايك جيناعان.
TikTok پلاتفورماسى دومبىرانى جاڭا بۋىنمەن قايتا تابىستىرىپ, ونى مەدەني جاڭعىرۋ مەن شىعارماشىلىقتىڭ سيمۆولىنا اينالدىرىپ وتىر. پلاتفورمادا ٶنەر كٶرسەتەتٸن كرەاتورلار ارقىلى ۇلتتىق اسپاپتىڭ ٷنٸ ەلەمنٸڭ تٷكپٸر-تٷكپٸرٸنە تارالىپ, قازاقستاننىڭ مەدەني بەينەسٸ جاھانعا كەڭٸنەن تانىستىرىلۋدا.
