Foto: QMA
Qarjylyq monitoring agenttiginiń Shymkent qalasy boiynsha departamenti zańsyz onlain-qumar oiyn biznesin uiymdastyrǵan adamdar tobynyń áreketin áshkerelep, toqtatty, dep habarlaidy Ult.kz.
Tergeý derekterine sáikes, kúdiktiler eki jyl boiy «TauBrat» paraqshasy arqyly TikTok jáne YouTube platformalarynda tikelei efirge shyǵyp, «Trinka» atty zańsyz qumar oiyn ótkizgen.
Qylmystyq jolmen alynǵan tabysty zańdastyrý maqsatynda olar banktik kartalary bar «droptardy» paidalanyp, qarajatty qolma-qol aqshaǵa ainaldyrǵan.
Jalpy qylmystyq tabys kólemi 93 million teńgeden asqan. Atalǵan qarajatqa kúdiktiler Hyundai Sonata avtokóligin jáne turǵyn úii bar jer telimin satyp alǵan.
Sot sanktsiiasymen bul múlikterge tyiym salyndy. Sonymen qatar eki kúdikti eki ai merzimge qamaýǵa alyndy.
Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
