Qaraǵandy oblysy Jairem kentiniń ákimi Amanqazy Naýkenov TikTok jelisinde bilep, video túsirgeni úshin jazalandy. Ákim mamyrdyń sońynda mádeniet jáne óner qyzmetkerleri kúnine arnalǵan fleshmobqa qatysqan.
"Qarajal qalasynyń ákimi sheneýniktiń kreativti oiyn baǵalamady. Tipti Naýkenovtiń áreketi qyzmetke tolyq sáikes kelmeitini týraly eskertý túrinde tártiptik jaza qoldanyldy", - delingen ákimdiktiń saitynda.
Shoýmen Málik Hasenov ákimdi qoldap, jazba jariialady.
"Ákim jarady. Ol aiyptaýlardan jasqanbai, óz aýylyna qoǵam nazaryn aýdarý úshin TikTok jelisine videoǵa tústi. Al siz Jairem aýyly týraly sońǵy ret qashan oqydyńyz?"- dep jazdy Hasenov.
Jeli qoldanýshylary memlekettik qyzmetkerdiń karantin kezinde ondai áreket jasaǵanyn qatelik dep atady. Arasynda "endi Jairem jaily biletin boldym", "karantin jaǵdaiynda basqalar qinalyp otyrǵan kezde olai jasaýǵa bolmaidy" dep pikir bildirgender de bar.
Videoda aýyl basshysymen birge kásipodaq komitetiniń tóraǵasy, mádeni-demalys ortalyǵynyń direktory jáne uiymnyń birneshe qyzmetkeri bilegen.
