Foto: Shutterstock
TikTok AQSh-taǵy qyzmetin toqtatty, dep habarlaidy Sinhýa agenttigi.
Belgili bolǵandai, 19 qańtar kúni TikTok AQSh-tyq qoldanýshylarǵa:
«Keshirińiz, TikTok-ty qazir paidalaný múmkin emes. Amerika Qurama Shtattary TikTok-ty paidalanýǵa tyiym salatyn zań qabyldady. Ókinishke qarai, bul qazirshe TikTok-ty qoldana almaitynyńyzdy bildiredi. Biraq jaqsy jańalyq ta bar: Prezident qyzmetine kirisýge daiyn otyrǵan Donald Tramp TikTok-ty qaita qoldanysqa engizýdiń jolyn tabý úshin bizben birge jumys isteitinin málimdedi. Jańalyqtardy baqylap otyryńyz!» degen habarlama jibergen.
Qytailyq BAQ-tardyń jazýynsha, TikTok -tyń iesi — ByteDance kompaniiasyna tiesili CapCut, Lemon8, Gauth jáne Hypic qosymshalarynyń da AQSh-tyq qoldanýshylarǵa qyzmet kórsetýdi ýaqytsha toqtatqany týraly habarlama jiberilgen.
17 qańtar kúni AQSh-tyń Joǵarǵy soty «TikTok-qa tyiym salý» týraly zańdy qoldaýǵa sheshim shyǵardy. Bul atalǵan zańnyń 19-shy qańtarda kúshke enýine ruqsat berilgenin bildiredi. Joǵarǵy sot sheshim qabyldaǵannan keiin Baiden úkimeti málimdeme jasap, «TikTok AQSh-tyqtar úshin qoljetimdi bolýǵa tiis», biraq onyń menshik quqyǵy AQSh-qa nemese AQSh-tyń kóńili tolatyn basqa bir tarapqa tiesili bolýy kerek dep atap kórsetti.
- Ýaqyttyń tyǵyzdyǵyna bailanysty, zańdy iske asyrý mindeti kelesi úkimettiń moinyna júkteledi, - delingen tiisti habarlamada.
Donald Tramp 18 qańtar kúni jýrnalistermen júzdeskende prezidenttik qyzmetke kiriskennen keiin TikTok-qa qatysty tyiymnyń oryndalýyn 90 kúnge keiinge shegerýi múmkin ekenin aitty.
2024 jylǵy sáýirde AQSh Prezidenti Djo Baiden Kongrestiń eki palatasy birdei maquldaǵan zań jobasyna qol qoidy. Osy zańǵa sáikes, ByteDance kompaniiasy 270 kún ishinde TikTok-ty qytailyq emes kompaniiaǵa satýǵa mindetti. Olai bolmaǵanda, TikTok qosymshasy 2025 jyldyń 19 qańtarynan keiin AQSh-ta shekteledi.
.jpg)
