24 tamyzda Belarýs oppozitsiiasynyń jetekshisi Svetlana Tihanovskaia AQSh memlekettik hatshysynyń orynbasary Stiven Bigenmen Litvada kezdesip, Belarýstegi jaǵdaidy talqylaidy. Belarýste prezident sailaýynan keiin tutanǵan narazylyq sharalary jalǵasyp jatyr.
23 tamyzda el astanasy Minskide 100 myńnan astam adam qatysqan iri miting ótip, narazylar Aleksandr Lýkashenkonyń qaita sailanýyna jáne beibit sherýge shyqqan adamdardy biliktiń qýǵyndaýyna qarsy shyqty. Olar elde qaitadan sailaý ótkizýdi talap etti. Ishki ister ministriniń aitýynsha, jeksenbi kúni eshkim ustalmaǵan. 9 tamyzdan beri jalǵasyp jatqan narazylyq kezinde myńdaǵan adam ustalǵan, keminde úsh adam qaza bolǵan.
Jeksenbi kúngi Telegram-da jariialanǵan videoda bronjelet kiip, qolyna avtomat ustaǵan Lýkashenkonyń tikushaqqa minip, qala tóbesinen ushqany kórinedi.
Buǵan deiin Lýkashenko qarýly kúshterge áskeri daiyndyq rejimine kóshýge buiryq bergen. Bul biliktiń eldegi narazylyqty kúshpen basý yqtimaldyǵyn arttyra túsedi.
Jeksenbi kúni Minskiden bólek Brest jáne Grodno qalalarynda jáne elden tys aýmanda narazylardy qoldaǵan aktsiialar ótti.
