Belarýstegi prezident sailaýyna qatysqan Svetlana Tihanovskaia prezident Aleksandr Lýkashenkonyń bilikten bas tartýy ýaqytqa ǵana tirelip tur dep málimdedi. The Washington Post gazetine arnap jazǵan maqalasynda Tihanovskaia "memleket úgit-nasihatyn úiip-tókse de" ýaqyt oppozitsiia jaǵynda dedi.
Ol maqalada rejimdi "saz balshyqty alyp músinge" teńegen.
Tihanovskaianyń aitýynsha, oppozitsiia bilik qysymy men Resei jýrnalisteriniń ótirigi men úgit-nasihatyna qaramastan Belarýste beibit sherýlerin ótkizip, quqyqtaryn talap ete beredi.
"Kóbi osy jetkilikti me dep suraidy. Men "iá" dep jaýap beremin. Biz ult retinde qaita ornyna kelmeitin "núkteden" ótip kettik. Lýkashenkonyń el basshysy retinde bolashaǵy joq" dedi Tihanovskaia.
Ol sonymen birge ózge el úkimetterin "rejimen áriptestikti toqtatyp, sailaý qorytyndysyn burmalaǵan, óz azamattaryna qarsy qylmys jasaǵan adamdarǵa sanktsiia salýǵa" shaqyrǵan.
Tihanovskaianyń sózine qaraǵanda, qazirgi bilikpen kelisim jasaǵan ózge elder táýekelge baryp, ózderin qaýipke itermeleidi.
14 qyrkúiekte Sochide Resei prezidenti Vladimir Pýtin men Belarýs prezidenti Aleksandr Lýkashenko kezdesken. Onda Máskeýdiń Minskige 1,5 mlrd dollar kóleminde nesie beretini belgili boldy.
Bul habarlamaǵa bailanysty pikirin aitqan Tihanovskaia Reseige nesieni Lýkashenko emes, belarýs halqy qaitarýy tiis bolady degen. Ol resei azamattary tólegen salyq esebinen sherýge shyqqandardy uryp-soǵady dep te aitqan.
"Bul Lýkashenkoǵa biraz tyrmysýǵa múmkindik berýi yqtimal, alaida ol halyqtan jeńisti tartyp ala almaidy" dedi Tihanovskaia.
Belarýste 9 tamyzdan beri prezident sailaýynyń qorytyndysyna narazylyq jalǵasyp keledi. Sailaý qorytyndysy burmalandy dep sanaityn narazylar jańadan sailaý ótkizýdi talap etip otyr. Júzdegen myń adam Lýkashenko otstavkasyn, saiasi tutqyndardy jáne narazylyq kezinde ustalǵandardy bosatýdy da talap etedi.
