بەلارۋستەگٸ پرەزيدەنت سايلاۋىنا قاتىسقان سۆەتلانا تيحانوۆسكايا پرەزيدەنت الەكساندر لۋكاشەنكونىڭ بيلٸكتەن باس تارتۋى ۋاقىتقا عانا تٸرەلٸپ تۇر دەپ مەلٸمدەدٸ. The Washington Post گازەتٸنە ارناپ جازعان ماقالاسىندا تيحانوۆسكايا "مەملەكەت ٷگٸت-ناسيحاتىن ٷيٸپ-تٶكسە دە" ۋاقىت وپپوزيتسييا جاعىندا دەدٸ.
ول ماقالادا رەجيمدٸ "ساز بالشىقتى الىپ مٷسٸنگە" تەڭەگەن.
تيحانوۆسكايانىڭ ايتۋىنشا, وپپوزيتسييا بيلٸك قىسىمى مەن رەسەي جۋرناليستەرٸنٸڭ ٶتٸرٸگٸ مەن ٷگٸت-ناسيحاتىنا قاراماستان بەلارۋستە بەيبٸت شەرۋلەرٸن ٶتكٸزٸپ, قۇقىقتارىن تالاپ ەتە بەرەدٸ.
"كٶبٸ وسى جەتكٸلٸكتٸ مە دەپ سۇرايدى. مەن "يە" دەپ جاۋاپ بەرەمٸن. بٸز ۇلت رەتٸندە قايتا ورنىنا كەلمەيتٸن "نٷكتەدەن" ٶتٸپ كەتتٸك. لۋكاشەنكونىڭ ەل باسشىسى رەتٸندە بولاشاعى جوق" دەدٸ تيحانوۆسكايا.
ول سونىمەن بٸرگە ٶزگە ەل ٷكٸمەتتەرٸن "رەجيمەن ەرٸپتەستٸكتٸ توقتاتىپ, سايلاۋ قورىتىندىسىن بۇرمالاعان, ٶز ازاماتتارىنا قارسى قىلمىس جاساعان ادامدارعا سانكتسييا سالۋعا" شاقىرعان.
تيحانوۆسكايانىڭ سٶزٸنە قاراعاندا, قازٸرگٸ بيلٸكپەن كەلٸسٸم جاساعان ٶزگە ەلدەر تەۋەكەلگە بارىپ, ٶزدەرٸن قاۋٸپكە يتەرمەلەيدٸ.
14 قىركٷيەكتە سوچيدە رەسەي پرەزيدەنتٸ ۆلاديمير پۋتين مەن بەلارۋس پرەزيدەنتٸ الەكساندر لۋكاشەنكو كەزدەسكەن. وندا مەسكەۋدٸڭ مينسكٸگە 1,5 ملرد دوللار كٶلەمٸندە نەسيە بەرەتٸنٸ بەلگٸلٸ بولدى.
بۇل حابارلاماعا بايلانىستى پٸكٸرٸن ايتقان تيحانوۆسكايا رەسەيگە نەسيەنٸ لۋكاشەنكو ەمەس, بەلارۋس حالقى قايتارۋى تيٸس بولادى دەگەن. ول رەسەي ازاماتتارى تٶلەگەن سالىق ەسەبٸنەن شەرۋگە شىققانداردى ۇرىپ-سوعادى دەپ تە ايتقان.
"بۇل لۋكاشەنكوعا بٸراز تىرمىسۋعا مٷمكٸندٸك بەرۋٸ ىقتيمال, الايدا ول حالىقتان جەڭٸستٸ تارتىپ الا المايدى" دەدٸ تيحانوۆسكايا.
بەلارۋستە 9 تامىزدان بەرٸ پرەزيدەنت سايلاۋىنىڭ قورىتىندىسىنا نارازىلىق جالعاسىپ كەلەدٸ. سايلاۋ قورىتىندىسى بۇرمالاندى دەپ سانايتىن نارازىلار جاڭادان سايلاۋ ٶتكٸزۋدٸ تالاپ ەتٸپ وتىر. جٷزدەگەن مىڭ ادام لۋكاشەنكو وتستاۆكاسىن, ساياسي تۇتقىنداردى جەنە نارازىلىق كەزٸندە ۇستالعانداردى بوساتۋدى دا تالاپ ەتەدٸ.
