Ózbekstan basshysy Shavkat Mirziiaev jáne Pákistan premer-ministri Imran Han qol alysyp tur. Shilde aiy, 2021 jyl.
Naýryz aiynda úndi treideri birinshi ret Pákistan men Aýǵanstan arqyly Ózbekstanǵa taýar joldady. Bul týraly The Diplomat basylymy jazdy, dep habarlaidy Azattyq.
Basylym málimetinshe, júkte negizinen Úndistanda óndirilgen qant bolǵan.
Júk aldymen Úndistannan pákistandyq Karachi portyna, odan Aýǵanstanǵa barǵan. Keiin Kabýldan Mazari-Sharifke, odan Ózbekstannyń Termez qalasyna jetkizilgen.
Úndistannan jetkizilgen taýar Ózbekstannyń Resei men Iran taýarlaryna táýeldiligin azaitýy múmkin.
Ózbekstan úshin Resei álem naryǵynda basty áriptes bolyp kelgen. Búgingi kúnde eki el arasyndaǵy taýar ainalymy 7,5 mlrd dollar. Ózbekstan – álemdegi teńizge shyǵatyn eldermen shekarasy joq eki eldiń biri. Sol sebepten Ózbekstan iri álemdik naryqtan tysqary qalyp keledi.
Biraq Shavkat Mirziiaev bilikke kelgeli bul másele sheshile bastaǵan.
Basylymnyń jazýynsha, keiingi kezde resmi Tashkent ońtústik kórshilerge kóbirek kóńil bóle bastaǵan. Tashkente ásirese Pákistan teńizine qol jetkizý mańyzdy. Biyl naýryz aiynda eki el saýda bailanysy jóninde kelisimge kelgen. Kelisimge sáikes, eki el 34 taýardyń túrine keden salyǵyn 20-dan 100 paiyzǵa túsiredi.
Byltyr Ózbekstan men Pákistan tranzittik taýar jóninde kelissózge qol qoiǵan. Taýar tasymaldaýda eki eldiń arasynda Aýǵanstan tur.
Osyǵan deiin Termez - Mazari-Sharif - Kabýl - Peshavar temir jolyn salý boiynsha elder ózara ýaǵdalasqan. Qazir bul jobanyń júzege asýyna Aýǵanstan biligine kelgen tálipter kedergi keltirip tur.
Diplomat basylymy Ózbekstannyń Pákistan teńizine shyǵa bastaýyna taǵy basqa syrtqa faktorlar sebep boldy, Qazaqstandaǵy qańtar oqiǵasy, Ýkrainada júrip jatqan soǵys ta Tashkentti alańdatyp otyr dep jazady.
