ٶزبەكستان باسشىسى شاۆكات ميرزيياەۆ جەنە پەكٸستان پرەمەر-مينيسترٸ يمران حان قول الىسىپ تۇر. شٸلدە ايى, 2021 جىل.
ناۋرىز ايىندا ٷندٸ ترەيدەرٸ بٸرٸنشٸ رەت پەكٸستان مەن اۋعانستان ارقىلى ٶزبەكستانعا تاۋار جولدادى. بۇل تۋرالى The Diplomat باسىلىمى جازدى, دەپ حابارلايدى ازاتتىق.
باسىلىم مەلٸمەتٸنشە, جٷكتە نەگٸزٸنەن ٷندٸستاندا ٶندٸرٸلگەن قانت بولعان.
جٷك الدىمەن ٷندٸستاننان پەكٸستاندىق كاراچي پورتىنا, ودان اۋعانستانعا بارعان. كەيٸن كابۋلدان مازاري-شاريفكە, ودان ٶزبەكستاننىڭ تەرمەز قالاسىنا جەتكٸزٸلگەن.
ٷندٸستاننان جەتكٸزٸلگەن تاۋار ٶزبەكستاننىڭ رەسەي مەن يران تاۋارلارىنا تەۋەلدٸلٸگٸن ازايتۋى مٷمكٸن.
ٶزبەكستان ٷشٸن رەسەي ەلەم نارىعىندا باستى ەرٸپتەس بولىپ كەلگەن. بٷگٸنگٸ كٷندە ەكٸ ەل اراسىنداعى تاۋار اينالىمى 7,5 ملرد دوللار. ٶزبەكستان – ەلەمدەگٸ تەڭٸزگە شىعاتىن ەلدەرمەن شەكاراسى جوق ەكٸ ەلدٸڭ بٸرٸ. سول سەبەپتەن ٶزبەكستان ٸرٸ ەلەمدٸك نارىقتان تىسقارى قالىپ كەلەدٸ.
بٸراق شاۆكات ميرزيياەۆ بيلٸككە كەلگەلٸ بۇل مەسەلە شەشٸلە باستاعان.
باسىلىمنىڭ جازۋىنشا, كەيٸنگٸ كەزدە رەسمي تاشكەنت وڭتٷستٸك كٶرشٸلەرگە كٶبٸرەك كٶڭٸل بٶلە باستاعان. تاشكەنتە ەسٸرەسە پەكٸستان تەڭٸزٸنە قول جەتكٸزۋ ماڭىزدى. بيىل ناۋرىز ايىندا ەكٸ ەل ساۋدا بايلانىسى جٶنٸندە كەلٸسٸمگە كەلگەن. كەلٸسٸمگە سەيكەس, ەكٸ ەل 34 تاۋاردىڭ تٷرٸنە كەدەن سالىعىن 20-دان 100 پايىزعا تٷسٸرەدٸ.
بىلتىر ٶزبەكستان مەن پەكٸستان ترانزيتتٸك تاۋار جٶنٸندە كەلٸسسٶزگە قول قويعان. تاۋار تاسىمالداۋدا ەكٸ ەلدٸڭ اراسىندا اۋعانستان تۇر.
وسىعان دەيٸن تەرمەز - مازاري-شاريف - كابۋل - پەشاۆار تەمٸر جولىن سالۋ بويىنشا ەلدەر ٶزارا ۋاعدالاسقان. قازٸر بۇل جوبانىڭ جٷزەگە اسۋىنا اۋعانستان بيلٸگٸنە كەلگەن تەلٸپتەر كەدەرگٸ كەلتٸرٸپ تۇر.
Diplomat باسىلىمى ٶزبەكستاننىڭ پەكٸستان تەڭٸزٸنە شىعا باستاۋىنا تاعى باسقا سىرتقا فاكتورلار سەبەپ بولدى, قازاقستانداعى قاڭتار وقيعاسى, ۋكراينادا جٷرٸپ جاتقان سوعىس تا تاشكەنتتٸ الاڭداتىپ وتىر دەپ جازادى.
