Foto: video skrinshot
15 jastaǵy qyzylordalyq ózin 21 jastaǵy kolledj stýdenti birneshe ret zorlaǵanyn aitty. Jábirlenýshi ózine zábir kórsetken adamnyń qatań jazalanǵanyn talap etip otyr, dep habarlaidy Ult.kz Sn.kz aqparat portalyna silteme jasap.
Jasóspirim qyz jigitpen jazǵy demalysta jumys istep júrgende tanysqan. Sodan bastap dos bolyp aralasyp, keiin tanystarynyń úiine birge qonaqqa barǵan. Jábirlenýshi jigittiń ózin sol jerde zorlaǵanyn aitty.
“Sol bólmede qulyptap alyp, meniń aiaq-qolymdy qatty qysyp ustap zorlady. Sodan keiin úige aparyp tastady ol. Sol kezde maǵan “bireýge aitatyn bolsań, aiamaimyn” dedi. Sosyn qoryqqanymnan eshkimge eshteńe aita almadym. Qorqynyshpen ári qarai júre berdim”, – deidi qyz.
Stýdent jigit bul azǵyndyq áreketin birneshe ret qaitalaǵan. Bul jaǵdai týraly qyzdyń anasy Elmira Júsipbekova bilgen sátte, jigit aldyna kelip, qyzyna sezimi baryn, oǵan úilengisi keletinin aitqan. Sóitip ol qyzyn sol jigitke turmysqa bergen. Alaida sol isine áli ókinedi.
“Túnde jatatyn kezimde “mama túnim uiqysyz ótedi, qorqatyn edim, teýip tastaityn” deidi. Belinen de, jambasynan da, ishinen de tepken. Sol kezde úiinde turatyn bir bala bar eken. Soǵan “ur mynany” depti. Ol bala da shapalaqpen urǵan eken. Sonyń bárin iship istep otyr myna bala. Odan keiin qoldaryn, saýsaqtaryn tilgen”, – deidi qyzdyń anasy.
Politsiia bolǵan jaǵdaidan keiin jigitti qamaýǵa alǵan.
“Kámeletke tolmaǵan qyzǵa qatysty quqyqqa qaishy áreketter boiynsha qylmystyq is qozǵaldy. Kúdikti dereý ustalyp, ýaqytsha ustaý izoliatoryna qamaýǵa alyndy. Qazir bolǵan oqiǵanyń barlyq mán-jailaryn anyqtaýǵa baǵyttalǵan tergeý amaldary jalǵasyp jatyr”, – dep málimdedi Qyzylorda oblystyq politsiia departamenti.
Elmira Júsipbekova – jeti balany jalǵyz tárbielep otyrǵan ana. Qyzdyń ózi qazir kolledjde birinshi kýrsta oqidy. Kórgen qorlyǵynan ábden qorqyp qalǵan jábirlenýshiniń júikesi sharshaǵan deidi anasy. Sondyqtan tergeý ádil júrip, jigittiń qatań jazalanǵanyn talap etip otyr.
