Foto: ashyq derekkóz
Shymkent qalalyq soty terrorizmdi nasihattaǵany úshin jergilikti turǵyndy kináli dep taýyp, 7 jylǵa bas bostandyǵynan aiyrdy. UQK tergeýi barysynda onyń dini negizde zorlyq-zombylyqty aqtap, adamdardy óltirýge shaqyrǵany anyqtaldy, dep habarlaidy Ult.kz.
Sondai-aq, maýsym aiynda Atyraý jáne Aqtóbe oblystarynyń sottary terrorizmdi nasihattaǵan eki azamatty tiisinshe 7 jáne 6 jylǵa sottady. Bul tulǵalardyń terroristik belsendi aimaqtarǵa shyǵýǵa talpynǵany jáne buryn qylmystyq jaýapkershilikke tartylǵany belgili boldy.
2025 jyldyń basynan beri UQK tergeýleri nátijesinde 52 adam, onyń ishinde eki sheteldik, terroristik jáne ekstremistik qylmystary úshin túrli merzimge sottaldy. Qazirgi ýaqytta taǵy 52 adamǵa qatysty tergeý jalǵasýda.
Bul úkimder zańdy kúshine endi. UQK terrorizmge qarsy kúresti jalǵastyra otyryp, qoǵamnyń qaýipsizdigin qamtamasyz etý sharalaryn kúsheitýde.
