فوتو: اشىق دەرەككٶز
شىمكەنت قالالىق سوتى تەرروريزمدٸ ناسيحاتتاعانى ٷشٸن جەرگٸلٸكتٸ تۇرعىندى كٸنەلٸ دەپ تاۋىپ, 7 جىلعا باس بوستاندىعىنان ايىردى. ۇقك تەرگەۋٸ بارىسىندا ونىڭ دٸني نەگٸزدە زورلىق-زومبىلىقتى اقتاپ, ادامداردى ٶلتٸرۋگە شاقىرعانى انىقتالدى, دەپ حابارلايدى Ult.kz.
سونداي-اق, ماۋسىم ايىندا اتىراۋ جەنە اقتٶبە وبلىستارىنىڭ سوتتارى تەرروريزمدٸ ناسيحاتتاعان ەكٸ ازاماتتى تيٸسٸنشە 7 جەنە 6 جىلعا سوتتادى. بۇل تۇلعالاردىڭ تەرروريستٸك بەلسەندٸ ايماقتارعا شىعۋعا تالپىنعانى جەنە بۇرىن قىلمىستىق جاۋاپكەرشٸلٸككە تارتىلعانى بەلگٸلٸ بولدى.
2025 جىلدىڭ باسىنان بەرٸ ۇقك تەرگەۋلەرٸ نەتيجەسٸندە 52 ادام, ونىڭ ٸشٸندە ەكٸ شەتەلدٸك, تەرروريستٸك جەنە ەكسترەميستٸك قىلمىستارى ٷشٸن تٷرلٸ مەرزٸمگە سوتتالدى. قازٸرگٸ ۋاقىتتا تاعى 52 ادامعا قاتىستى تەرگەۋ جالعاسۋدا.
بۇل ٷكٸمدەر زاڭدى كٷشٸنە ەندٸ. ۇقك تەرروريزمگە قارسى كٷرەستٸ جالعاستىرا وتىرىپ, قوعامنىڭ قاۋٸپسٸزدٸگٸن قامتاماسىز ەتۋ شارالارىن كٷشەيتۋدە.
