TMD-niń qarjylyq barlaý basshylary Aqshany jylystatý jáne terrorizmdi qarjylandyrý qaýipterin baǵalaýdyń halyqaralyq ortalyǵyn qurdy.
Bul týraly "Ult aqparat" QR Qarjylyq monitoring agenttiginiń baspasóz qyzmetine silteme jasap habarlaidy.
Baspasóz qyzmetiniń málimetterine qaraǵanda, 2021 jyly 2 aqpanda Táýelsiz Memleketter Dostastyǵy Qarjylyq barlaý bólimsheleri basshylary keńesiniń (QBBBK) 16-shy otyrysy ótti.
Otyrysqa Qazaqstan Respýblikasy Qarjylyq monitoring agenttiginiń tóraǵasy J.Q.Elimanov jáne TMD-ǵa qatysýshy memleketterdiń qarjylyq barlaý bólimsheleriniń basshylary qatysty.
Otyrys barysynda Janat Elimanov Qazaqstan Respýblikasynda qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl salasyndaǵy qoldanylǵan sharalar boiynsha tájiribesimen bólisti.
Otyrys qorytyndysy boiynsha mańyzdy sheshimderdiń biri Aqshany jylystatý jáne terrorizmdi qarjylandyrý qaýipterin baǵalaýdyń halyqaralyq ortalyǵynyń (QBHO) qurylýy bolyp tabyldy.
QBHO TMD-ǵa qatysýshy memleketterdiń ulttyq qarjyny jylystaý men terrorizmdi qarjylandyrýǵa qarsy júieleriniń jańa syn-qaterler men qaýip-qaterlerge daiyn bolýyn, birlesken qarsy sharalardyń ýaqtyly ázirlenýin, sondai-aq ózara málimet almasýdy qamtamasyz etýge múddeli.
Odan basqa, QBB basshylary aqshany qaita bólý jáne jylystatý boiynsha qyzmetterdiń kóleńkeli naryq sýbektilerin anyqtaý jáne tergeý salasyndaǵy birlesken jumysty bastaýǵa kelisti.
Sondai-aq, QBBBK elderiniń qarjylyq barlaý qyzmeti memleketterdiń keden qyzmetterimen birlesip, «Qolma-qol aqshanyń transshekaralyq qozǵalysyn taldaý» jobasy aiasynda qolma-qol aqsha ainalymyn baqylaý boiynsha ózara is-qimyl jasaityn bolady.
Otyrys nátijesinde halyqaralyq terroristik uiymdardyń qyzmetine qatysy bar tulǵalardy anyqtaý boiynsha TMD QBBBK men TQO birlesken operatsiiasyn júrgizý jospary jáne olardy terrorizmdi qarjylandyrý úshin paidalaný qaýpi joǵary aýmaqtardyń tizimi bekitildi.
Keńestiń kelesi otyrysyn qolaily epidemiologiialyq jaǵdaidy eskere otyryp, 2021 jyldyń kókteminde Dýshanbe q. (Tájikstan Respýblikasy) ótkizý josparlanǵan.
