Foto: Tengrinews.kz
Elimizdiń Bas prokýratýrasy elde bolǵan jappai ereýilge qatysty sońǵy resmi málimetti bólisti, dep habarlaidy QazAqparat.
«Jappai tártipsizdikten keiin qaita qalpyna keltirý sharasy júrip jatyr. Onyń saldarynan zardap shekken adamdar men biznes nysandaryna qatysty oqiǵalardy tergeý erekshe nazarda. Búginde jedel tergeý toby 819 qylmystyq isti tergep jatyr. Onyń 45-i - lańkestik aktisi, 36 - jappai tártipsizdik, 15 - kisi ólimi boiynsha. Sonymen qatar urlyq, tonaý, qarýdy jymqyrý jáne bilik ókiline qatysty kúsh qoldaný faktileri boiynsha qylmystyq ister qaralyp jatyr», - dedi QR Bas prokýratýrasy birinshi qyzmet basshysynyń orynbasary Eldos Qilymjanov OKQ-de ótken baspasóz máslihatynda.
Onyń aitýynsha, atalǵan qylmystyq isterge qatysy bar 973 kúdikti qamaýǵa alynǵan.
«Onyń ishinde 182 kúdikti sottyń sanktsiiasymen kúzettiń qaraýyna alyndy. Sonymen qatar 29 úiqamaqta. Jáne 464 adam lańkestik áreket jáne jappai tártipsizdik boiynsha ustaldy. Odan basqa 226 adam - urlyq, 60 - qarýdy zańsyz saqtaý jáne 39 adam - qarý urlaý, 25 - buzaqylyq, 21 adam tonaý isi boiynsha qamaýǵa alyndy. Basqa da qylmystyq ister boiynsha ustalǵan kúdiktiler bar», - deidi ol.
