Terrorizm aktisi týraly jalǵan habarlama taratqan tarazdyq ustaldy, dep habarlaidy "Ult aqparat" Polisia.kz-ke silteme jasap.
12 tamyzda Taraz qalasy Politsiia basqarmasynyń Jedel basqarý ortalyǵy kezekshi bóliminiń «102» nómirine belgisiz adamnan Shostakovich kóshesinde ornalasqan «Prestij» kólik jýý ornyna jarylǵysh zat qoiylǵany týraly habarlama kelip tústi. Qońyraý shalýshydan qandai da bir talaptar qoiylmaǵan. Atalǵan mekenjaiǵa kidirtpei jetken politsiia qyzmetkerleri shuǵyl kólik jýý ornyna jaqyn ornalasqan úidegi 12 turǵyndy evakýatsiialady. Barlyq aýmaq tolyq tekserýmen qamtyldy. Jarylǵysh zat tabylǵan joq.
Atalǵan derekke qatysty QR QK 273-baby (Terrorizm aktisi týraly kórineý jalǵan habarlaý) boiynsha sotqa deiingi tergeý amaldary bastaldy. Jedel-izdestirý sharalary barysynda politsiia qyzmetkerleri jalǵan aqparat berip, telefon soqty degen kúdikpen oblys ortalyǵynyń 25 jastaǵy turǵynyn anyqtap, ustady. Zattai dálel – uialy telefon tárkilendi.
Qazaqstan Respýblikasy Qylmystyq-protsestik kodeksiniń 201-babynyń talaptaryna sáikes sotqa deiingi tergep-tekserýdiń qalǵan derekteri tergeý múddesinde jariialaýǵa jatpaidy.
Politsiia departamenti daiyndalyp jatqan terrorizm aktisi týraly kórineý jalǵan habarlama jibergeni úshin bes myń ailyq eseptik kórsetkishke deiingi mólsherde aiyppul salýǵa, ne sol mólsherde túzeý jumystaryna, ne bes jylǵa deiingi merzimge bas bostandyǵyn shekteýge, ne sol merzimge bas bostandyǵynan aiyrýǵa jaza qarastyrylatynyn eskertedi.
