تەرروريزم اكتٸسٸ تۋرالى جالعان حابارلاما تاراتقان تارازدىق ۇستالدى, دەپ حابارلايدى "ۇلت اقپارات" Polisia.kz-كە سٸلتەمە جاساپ.
12 تامىزدا تاراز قالاسى پوليتسييا باسقارماسىنىڭ جەدەل باسقارۋ ورتالىعى كەزەكشٸ بٶلٸمٸنٸڭ «102» نٶمٸرٸنە بەلگٸسٸز ادامنان شوستاكوۆيچ كٶشەسٸندە ورنالاسقان «پرەستيج» كٶلٸك جۋۋ ورنىنا جارىلعىش زات قويىلعانى تۋرالى حابارلاما كەلٸپ تٷستٸ. قوڭىراۋ شالۋشىدان قانداي دا بٸر تالاپتار قويىلماعان. اتالعان مەكەنجايعا كٸدٸرتپەي جەتكەن پوليتسييا قىزمەتكەرلەرٸ شۇعىل كٶلٸك جۋۋ ورنىنا جاقىن ورنالاسقان ٷيدەگٸ 12 تۇرعىندى ەۆاكۋاتسييالادى. بارلىق اۋماق تولىق تەكسەرۋمەن قامتىلدى. جارىلعىش زات تابىلعان جوق.
اتالعان دەرەككە قاتىستى قر قك 273-بابى (تەرروريزم اكتٸسٸ تۋرالى كٶرٸنەۋ جالعان حابارلاۋ) بويىنشا سوتقا دەيٸنگٸ تەرگەۋ امالدارى باستالدى. جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ جالعان اقپارات بەرٸپ, تەلەفون سوقتى دەگەن كٷدٸكپەن وبلىس ورتالىعىنىڭ 25 جاستاعى تۇرعىنىن انىقتاپ, ۇستادى. زاتتاي دەلەل – ۇيالى تەلەفون تەركٸلەندٸ.
قازاقستان رەسپۋبليكاسى قىلمىستىق-پروتسەستٸك كودەكسٸنٸڭ 201-بابىنىڭ تالاپتارىنا سەيكەس سوتقا دەيٸنگٸ تەرگەپ-تەكسەرۋدٸڭ قالعان دەرەكتەرٸ تەرگەۋ مٷددەسٸندە جارييالاۋعا جاتپايدى.
پوليتسييا دەپارتامەنتٸ دايىندالىپ جاتقان تەرروريزم اكتٸسٸ تۋرالى كٶرٸنەۋ جالعان حابارلاما جٸبەرگەنٸ ٷشٸن بەس مىڭ ايلىق ەسەپتٸك كٶرسەتكٸشكە دەيٸنگٸ مٶلشەردە ايىپپۇل سالۋعا, نە سول مٶلشەردە تٷزەۋ جۇمىستارىنا, نە بەس جىلعا دەيٸنگٸ مەرزٸمگە باس بوستاندىعىن شەكتەۋگە, نە سول مەرزٸمگە باس بوستاندىعىنان ايىرۋعا جازا قاراستىرىلاتىنىن ەسكەرتەدٸ.
