Professor Sherýbai Qurmanbaiuly terminderdiń utymdy nusqasyn tańdaǵanda adami faktorǵa jol bermeýge úndedi, dep xabarlaidy QazAqparat tilshisi.
Ǵalymnyń aitýynsha, búginde ǵylymi turǵyda utymdy ári sátti aýdarylǵan terminderdi suryptaý jumysy durys jolǵa qoiylmaǵan.
«Jaqsy terminder jasalady. Sala mamandary izdenedi. Ózderiniń maqalasynda jazady, sózdigine, oqý quralyna engizedi. Biraq solardy jinaqtap, suryptaý, sala mamanynyń usynǵan on balamasynyń ishinen eń utymdy jaǵyn tańdap alý jolǵa qoiylmaǵan. Ashyǵyn aitý kerek, keide jeke adamnyń faktory da áser etedi. Eger aǵa býyn ǵalym ókili bolsa, sonyń aitqan sózi, nemese memlekettik qurylym bolsa, sol jerde otyrǵan laýazymdy basshynyń bedeli men salmaǵyna basymdyq beriledi de, lingvistikalyq faktor, norma, tildik talap, terminniń utymdy jasalǵandyǵy, kóńilge qonymdylyǵy siiaqty faktorlar ekinshi planǵa ysyrylyp ketedi. Biz kásibi turǵyda qaraýymyz qajet. Bul jerde ǵylymi etika men ǵylymi mádeniet máselesi bar», - dedi Sh.Qurmanbaiuly QR Parlament Májilisinde ótken ǵylymi-praktikalyq konferentsiiada.
Aita keteiik, búgingi jiynda professor Sherýbai Qurmanbaiuly terminologiianyń ózekti máselelerin atap ótti. Osy oraida ǵalym terminkomnyń quzyretin kúsheitý kerek dep sanaidy.
