پروفەسسور شەرۋباي قۇرمانبايۇلى تەرميندەردٸڭ ۇتىمدى نۇسقاسىن تاڭداعاندا ادامي فاكتورعا جول بەرمەۋگە ٷندەدٸ, دەپ xابارلايدى قازاقپارات تٸلشٸسٸ.
عالىمنىڭ ايتۋىنشا, بٷگٸندە عىلىمي تۇرعىدا ۇتىمدى ەرٸ سەتتٸ اۋدارىلعان تەرميندەردٸ سۇرىپتاۋ جۇمىسى دۇرىس جولعا قويىلماعان.
«جاقسى تەرميندەر جاسالادى. سالا ماماندارى ٸزدەنەدٸ. ٶزدەرٸنٸڭ ماقالاسىندا جازادى, سٶزدٸگٸنە, وقۋ قۇرالىنا ەنگٸزەدٸ. بٸراق سولاردى جيناقتاپ, سۇرىپتاۋ, سالا مامانىنىڭ ۇسىنعان ون بالاماسىنىڭ ٸشٸنەن ەڭ ۇتىمدى جاعىن تاڭداپ الۋ جولعا قويىلماعان. اشىعىن ايتۋ كەرەك, كەيدە جەكە ادامنىڭ فاكتورى دا ەسەر ەتەدٸ. ەگەر اعا بۋىن عالىم ٶكٸلٸ بولسا, سونىڭ ايتقان سٶزٸ, نەمەسە مەملەكەتتٸك قۇرىلىم بولسا, سول جەردە وتىرعان لاۋازىمدى باسشىنىڭ بەدەلٸ مەن سالماعىنا باسىمدىق بەرٸلەدٸ دە, لينگۆيستيكالىق فاكتور, نورما, تٸلدٸك تالاپ, تەرميننٸڭ ۇتىمدى جاسالعاندىعى, كٶڭٸلگە قونىمدىلىعى سيياقتى فاكتورلار ەكٸنشٸ پلانعا ىسىرىلىپ كەتەدٸ. بٸز كەسٸبي تۇرعىدا قاراۋىمىز قاجەت. بۇل جەردە عىلىمي ەتيكا مەن عىلىمي مەدەنيەت مەسەلەسٸ بار», - دەدٸ ش.قۇرمانبايۇلى قر پارلامەنت مەجٸلٸسٸندە ٶتكەن عىلىمي-پراكتيكالىق كونفەرەنتسييادا.
ايتا كەتەيٸك, بٷگٸنگٸ جيىندا پروفەسسور شەرۋباي قۇرمانبايۇلى تەرمينولوگييانىڭ ٶزەكتٸ مەسەلەلەرٸن اتاپ ٶتتٸ. وسى ورايدا عالىم تەرمينكومنىڭ قۇزىرەتٸن كٷشەيتۋ كەرەك دەپ سانايدى.
