Reseide bolǵan jol apatyna qatysty derekter paida boldy. Qazirgi ýaqytta tergeýshiler jol apatynan aman qalǵan qazaqstandyq júrgizýshiden jaýap alyp jatyr. Osyǵan deiin qazaqstandyq taǵy bir júrgizýshiniń qaza bolǵany aitylǵan edi, - dep habarlaidy kaz.tengrinews.kz tilishsi.
Ózbekstannyń 55 azamatyn qazaqstandyq eki júrgizýshi tasymaldaǵan. Jol apatynan qazaqstandyq júrgizýshini qosqanda 17 adam qaza bolǵan, taǵy bes adam aýyr jaǵdaida jatyr.
RIA Novosti málimetinshe, jol-kólik oqiǵasynan zardap shekkender Máskeýge jetkizilýi múmkin. Qazirgi ýaqytta Vladimir oblysynyń basshylyǵy dárigerlermen osy máseleni talqylaýda.
Oblystyq densaýlyq saqtaý departamentiniń direktory Aleksandr Kiriýhin belgili dáriger Leonid Roshaldyń keńester ótkizýge daiyn ekenin aitady.
"Zardap shekkenderdi jetkizý máselesi sheshilip jatyr. Qazir bizge Leonid Mihailovich Roshal habarlasty. Ol keńes berýge daiyn", - dedi Aleksandr Kiriýhin. Sondai-aq, ol Roshaldyń zardap shekkenderdi Máskeýge jetkizýdi usynǵanyn aitty.
Kiriýhinniń aitýynsha, aýrýhanada úsh eresek adam pen eki bala jatyr. Balalardyń jasy shamamen 3-4-te.
"Zardap shekkenderdiń jaǵdaiy aýyr", - dedi ol.
Sonymen qatar, onyń aitýysha, qaza tapqandardyń sany 18 emes, 15 emes. "Sońǵy málimetterge sáikes, dárigerler maǵan 15 adamnyń qaza bolǵanyn habarlady. Biraq naqty qansha adamnyń qaza bolǵanyn sot-meditsinalyq sarapshylar aitady", - dedi ol.
Kiriýhinniń aitýynsha, qazirgi ýaqytta dárigerler zardap shekkendermen jumys istep jatyr.
Eske sala keteiik, Vladimir oblysynda jumaǵa qaraǵan túni avtobýs pen poiyz soǵysqan bolatyn. Sońǵy málimetterge qaraǵanda, jol apatynan 17 adam qaza boldy. IIM málimetinshe, avtobýs baǵdarshamnyń qyzyl túsine júrgen. Óńirlik TJM ókilderi qazaqstandyq avtobýs bolǵanyn habarlady.
Sondai-aq, qazirgi ýaqytta oqiǵa ornynda politsiia qyzmetkerleri jumys istep jatqany aitylady. Oqiǵanyń mán-jaiy men qaza tapqandardyń aty-jónderi anyqtalyp jatyr.
