رەسەيدە بولعان جول اپاتىنا قاتىستى دەرەكتەر پايدا بولدى. قازٸرگٸ ۋاقىتتا تەرگەۋشٸلەر جول اپاتىنان امان قالعان قازاقستاندىق جٷرگٸزۋشٸدەن جاۋاپ الىپ جاتىر. وسىعان دەيٸن قازاقستاندىق تاعى بٸر جٷرگٸزۋشٸنٸڭ قازا بولعانى ايتىلعان ەدٸ, - دەپ حابارلايدى kaz.tengrinews.kz تٸلٸشسٸ.
ٶزبەكستاننىڭ 55 ازاماتىن قازاقستاندىق ەكٸ جٷرگٸزۋشٸ تاسىمالداعان. جول اپاتىنان قازاقستاندىق جٷرگٸزۋشٸنٸ قوسقاندا 17 ادام قازا بولعان, تاعى بەس ادام اۋىر جاعدايدا جاتىر.
ريا نوۆوستي مەلٸمەتٸنشە, جول-كٶلٸك وقيعاسىنان زارداپ شەككەندەر مەسكەۋگە جەتكٸزٸلۋٸ مٷمكٸن. قازٸرگٸ ۋاقىتتا ۆلاديمير وبلىسىنىڭ باسشىلىعى دەرٸگەرلەرمەن وسى مەسەلەنٸ تالقىلاۋدا.
وبلىستىق دەنساۋلىق ساقتاۋ دەپارتامەنتٸنٸڭ ديرەكتورى الەكساندر كيريۋحين بەلگٸلٸ دەرٸگەر لەونيد روشالدىڭ كەڭەستەر ٶتكٸزۋگە دايىن ەكەنٸن ايتادى.
"زارداپ شەككەندەردٸ جەتكٸزۋ مەسەلەسٸ شەشٸلٸپ جاتىر. قازٸر بٸزگە لەونيد ميحايلوۆيچ روشال حابارلاستى. ول كەڭەس بەرۋگە دايىن", - دەدٸ الەكساندر كيريۋحين. سونداي-اق, ول روشالدىڭ زارداپ شەككەندەردٸ مەسكەۋگە جەتكٸزۋدٸ ۇسىنعانىن ايتتى.
كيريۋحيننٸڭ ايتۋىنشا, اۋرۋحانادا ٷش ەرەسەك ادام پەن ەكٸ بالا جاتىر. بالالاردىڭ جاسى شامامەن 3-4-تە.
"زارداپ شەككەندەردٸڭ جاعدايى اۋىر", - دەدٸ ول.
سونىمەن قاتار, ونىڭ ايتۋىشا, قازا تاپقانداردىڭ سانى 18 ەمەس, 15 ەمەس. "سوڭعى مەلٸمەتتەرگە سەيكەس, دەرٸگەرلەر ماعان 15 ادامنىڭ قازا بولعانىن حابارلادى. بٸراق ناقتى قانشا ادامنىڭ قازا بولعانىن سوت-مەديتسينالىق ساراپشىلار ايتادى", - دەدٸ ول.
كيريۋحيننٸڭ ايتۋىنشا, قازٸرگٸ ۋاقىتتا دەرٸگەرلەر زارداپ شەككەندەرمەن جۇمىس ٸستەپ جاتىر.
ەسكە سالا كەتەيٸك, ۆلاديمير وبلىسىندا جۇماعا قاراعان تٷنٸ اۆتوبۋس پەن پويىز سوعىسقان بولاتىن. سوڭعى مەلٸمەتتەرگە قاراعاندا, جول اپاتىنان 17 ادام قازا بولدى. ٸٸم مەلٸمەتٸنشە, اۆتوبۋس باعدارشامنىڭ قىزىل تٷسٸنە جٷرگەن. ٶڭٸرلٸك تجم ٶكٸلدەرٸ قازاقستاندىق اۆتوبۋس بولعانىن حابارلادى.
سونداي-اق, قازٸرگٸ ۋاقىتتا وقيعا ورنىندا پوليتسييا قىزمەتكەرلەرٸ جۇمىس ٸستەپ جاتقانى ايتىلادى. وقيعانىڭ مەن-جايى مەن قازا تاپقانداردىڭ اتى-جٶندەرٸ انىقتالىپ جاتىر.
