Almatyda jappai tártipsizdik kezinde zardap shekkender men tergeý izoliatoryna qamalǵandarǵa meditsinalyq kómek tolyq kólemde kórsetilip jatyr. Bul týraly «Áleýmettik meditsinalyq saqtandyrý qory» kommertsiialyq emes uiymynyń Almaty filialynyń direktory Tileýhan Ábildaev onlain brifing barysynda aitty, dep habarlaidy QazAqparat.
«Qańtar oqiǵasy kezinde tergeý izoliatoryna qamalǵan nemese qandai da bir jaraqat alǵan jábirlenýshilerge kepildendirilgen tegin meditsinalyq kómek aiasynda meditsinalyq qyzmet kórsetilip jatyr. Búgingi kúni bizde zardap shekkenderge qajetti kólemde tiisti meditsinalyq kómek kórsetilmegeni týraly derek joq», - dedi Tileýhan Ábildaev.
Sonymen qatar, ol meditsinalyq saqtandyrý qory men qalalyq densaýlyq saqtaý basqarmasy barlyq zardap shekkenderge, sonyń ishinde tergeý izoliatoryndaǵylarǵa konsýltativtik-hirýrgiialyq kómek uiymdastyrǵanyn aitty.
«Qazirgi ýaqytta saqtandyrý qory men densaýlyq saqtaý basqarmasy Qylmystyq-atqarý júiesi komiteti jáne tergeý izoliatorymen tyǵyz bailanysta jumys istep jatyr. Jaǵdai baqylaýda. Zardap shekkenderge meditsinalyq kómek tolyq kólemde kórsetiledi», - dedi spiker.
