Tergeý izoliatorlarynda kezdeisoq qamalǵan adamdar joq. Bul týraly QR Bas prokýratýrasy Arnaiy prokýrorlar qyzmetiniń bastyǵy Rizabek Ojarov aitty, dep habarlaidy QazAqparat.
«Arnaiy prokýrorlar 76 kúdiktini tergeý izoliatorlarynan bosatty. Qamaýǵa alý eshqaida ketpeý týraly qolhatqa, úiqamaqqa jáne jeke kepildikke aýystyryldy. Olardyń arasynda eki áiel men kámeletke tolmaǵan 9 jasóspirim bolǵan. Tergeý izoliatorlarynda kezdeisoq qamalǵan adamdar joq ekenin jaýapkershilikpen málimdeimiz. Qamaýǵa tek aýyr jáne asa aýyr qylmystar jasaǵany týraly naqty aiǵaqtar bar adamdar ǵana alyndy. Biz keltirip otyrǵan sandyq málimetter – olar tek arnaiy prokýrorlardyń tergeýindegi ister boiynsha ekenin atap ótkim keledi», - dedi Rizabek Ojarov Ortalyq kommýnikatsiialar qyzmetindegi brifing barysynda.
