Jelide Tatarstan astanasyndaǵy mektepke qarýly shabýyl jasaǵan sáttiń videosy paida boldy, - dep habarlaidy Tengrinews.kz.
Baza Telegram-arnasy kýágerler túsirgen sýretter men videony jariialady. Onda balalar úshinshi qabattaǵy terezeden sekirip jatqanyn kórýge bolady. Videodan atys dybystary da estiledi.
Áleýmettik jelilerde jariialanǵan málimet boiynsha, zardap shekken balalar sany 12-ge jetken. Olardyń tórteýi reanimatsiiada, barlyǵy atys saldarynan jaraqat alǵan.
Basqa video kadrlarynan mektepke eki adam shabýyl jasaǵanyn kórýge bolady. Olardyń biri oqý ornynan shyqqan kezde ustalǵan.
Buǵan deiin Tatarstan astanasynda belgisiz bireýler Faizi kóshesindegi № 175 gimnaziiada atys shyǵaryp, balalar zardap shekeni habarlanǵan bolatyn.
Nazar aýdaryńyz! Júike-júiesi nashar adamdarǵa kórýge bolmaidy!
