Respýblikalyq epizootiiaǵa qarsy toptyń mamandary Tereńkól aýdanynda qus tumaýynyń shyǵýyna bailanysty infektsiianyń taralýyn boldyrmaý úshin jumys júrgizýde, dep habarlaidy QazAqparat Pavlodarnews.kz-ke silteme jasap.
Oblystyq veterinariia basqarmasynyń málimdeýinshe, 3 qazanda Berezovka aýylynyń turǵyny Voskresenskii aýyldyq okrýginiń veterinarlyq pýnktiniń meńgerýshisine habarlasyp, 1 qazannan 3 qazanǵa deiin belgisiz sebeptermen 42 qaz ólgeni týraly habarlaǵan.
- 4 qazanda qustyń ólý faktisi boiynsha veterinariia basqarmasy men aýmaqtyq inspektsiia ókilderi Berezovkaǵa baryp, ólgen qazdardan patologiialyq materialdar aldy. Synamalar qus tumaýyna tekserý úshin Nur-Sultandaǵy Ulttyq veterinariianyń referenttik ortalyǵyna jiberildi. Óitkeni aýladaǵy qustarda bul infektsiianyń syrtqy klinikalyq belgileri bolǵan, - dedi basqarmada.
8 qazanda saraptama joǵary patogendi qus tumaýynyń diagnozyn rastady. Sondyqtan aýrýdyń oshaǵyna karantin engizildi. Qustardyń óleksesi mal qorymynda órteý arqyly joiyldy.
Berezovka aýylynda 85 úi bar. Olardyń 36-sy úi qustaryn ustaidy. Barlyǵy 1106 bas: onyń ishinde 620 taýyq, 186 úirek, 300 qaz bar.
Boljam boiynsha infektsiia kózi - jabaiy qustar. Sebebi, qustar ólerden birneshe kún buryn qus qorada kógershinderdiń óleksesi tabylǵan.
11 qazannan bastap aýylda «Respýblikalyq epizootiiaǵa qarsy top» RMK kómegimen joǵary patogendi qus tumaýyn joiý boiynsha jumys júrgizilýde. Ielerine ólgen jáne ustalǵan qustardyń quny óteledi.
