رەسپۋبليكالىق ەپيزووتيياعا قارسى توپتىڭ ماماندارى تەرەڭكٶل اۋدانىندا قۇس تۇماۋىنىڭ شىعۋىنا بايلانىستى ينفەكتسييانىڭ تارالۋىن بولدىرماۋ ٷشٸن جۇمىس جٷرگٸزۋدە, دەپ حابارلايدى قازاقپارات Pavlodarnews.kz-كە سٸلتەمە جاساپ.
وبلىستىق ۆەتەرينارييا باسقارماسىنىڭ مەلٸمدەۋٸنشە, 3 قازاندا بەرەزوۆكا اۋىلىنىڭ تۇرعىنى ۆوسكرەسەنسكيي اۋىلدىق وكرۋگٸنٸڭ ۆەتەرينارلىق پۋنكتٸنٸڭ مەڭگەرۋشٸسٸنە حابارلاسىپ, 1 قازاننان 3 قازانعا دەيٸن بەلگٸسٸز سەبەپتەرمەن 42 قاز ٶلگەنٸ تۋرالى حابارلاعان.
- 4 قازاندا قۇستىڭ ٶلۋ فاكتٸسٸ بويىنشا ۆەتەرينارييا باسقارماسى مەن اۋماقتىق ينسپەكتسييا ٶكٸلدەرٸ بەرەزوۆكاعا بارىپ, ٶلگەن قازداردان پاتولوگييالىق ماتەريالدار الدى. سىنامالار قۇس تۇماۋىنا تەكسەرۋ ٷشٸن نۇر-سۇلتانداعى ۇلتتىق ۆەتەرينارييانىڭ رەفەرەنتتٸك ورتالىعىنا جٸبەرٸلدٸ. ٶيتكەنٸ اۋلاداعى قۇستاردا بۇل ينفەكتسييانىڭ سىرتقى كلينيكالىق بەلگٸلەرٸ بولعان, - دەدٸ باسقارمادا.
8 قازاندا ساراپتاما جوعارى پاتوگەندٸ قۇس تۇماۋىنىڭ دياگنوزىن راستادى. سوندىقتان اۋرۋدىڭ وشاعىنا كارانتين ەنگٸزٸلدٸ. قۇستاردىڭ ٶلەكسەسٸ مال قورىمىندا ٶرتەۋ ارقىلى جويىلدى.
بەرەزوۆكا اۋىلىندا 85 ٷي بار. ولاردىڭ 36-سى ٷي قۇستارىن ۇستايدى. بارلىعى 1106 باس: ونىڭ ٸشٸندە 620 تاۋىق, 186 ٷيرەك, 300 قاز بار.
بولجام بويىنشا ينفەكتسييا كٶزٸ - جابايى قۇستار. سەبەبٸ, قۇستار ٶلەردەن بٸرنەشە كٷن بۇرىن قۇس قورادا كٶگەرشٸندەردٸڭ ٶلەكسەسٸ تابىلعان.
11 قازاننان باستاپ اۋىلدا «رەسپۋبليكالىق ەپيزووتيياعا قارسى توپ» رمك كٶمەگٸمەن جوعارى پاتوگەندٸ قۇس تۇماۋىن جويۋ بويىنشا جۇمىس جٷرگٸزٸلۋدە. يەلەرٸنە ٶلگەن جەنە ۇستالعان قۇستاردىڭ قۇنى ٶتەلەدٸ.
