Qazaqstannyń birinshi, álemniń 23-raketkasy Elena Rybakina Maiami WTA 1000 týrniriniń tórtinshi ainalymyna shyǵa almady, dep habarlaidy QazAqparat.
Osy jarystyń 21-raketkasy bolyp tirkelgen E.Rybakina úshinshi ainalymda dúniejúzilik reitingte 58-orynda turǵan ispaniialyq Sara Sorribes-Tormomen kezdesti.
Sorribes-Tormo ekinshi ainalymda álemniń 14-raketkasy, amerikalyq Djenifer Breididi 3:6, 6:4, 6:1 esebimen utqan bolatyn.
Birinshi partiiada oiyn tizginin qolyna alǵan ispaniialyq tennisshi aiqyn basymdylyq kórsetti – 6:1.
Ekinshi sette de Sorribes-Tormo breikpen alǵa ketti – 2:0. Degenmen Rybakina tarazy basyn teńestirdi – 2:2. Sosyn taǵy bir breik jasap, óz geimin de alyp, esepti 5:3-ke jetkizdi. Qarqyndy údetken ol setti breikpen túiindedi – 6:3.
Úshinshi, sheshýshi partiiany qarsylastar breik almasýmen bastady – 1:1. Sodan keiin ispaniialyq tennisshi alǵa shyqty – 3:1. Taǵy bir breik – 4:1. Rybakina breik jasaǵanymen, óz geimin berip qoidy – 2:5. Ispaniialyq sportshy matchqa dop bergende, óz múmkindigin jibergen joq – 6:2.
Tartysty báseke 2 saǵat 28 minýtqa sozyldy.
S.Sorribes-Tormo shirek finalǵa shyǵý úshin álemniń 4-raketkasy, amerikalyq Sofiia Kenin nemese reitingte 30-satydaǵy Týnis ókili Ons Jaberdiń bireýimen talasady.
Osylaisha erler men áielder arasynda ótip jatqan Maiami masters dodasynda Qazaqstannan Aleksandr Býblik qana qaldy. Ol úshinshi ainalymda aýstraliialyq Djeims Dakvortpen sheberlik baiqasady.
