قازاقستاننىڭ بٸرٸنشٸ, ەلەمنٸڭ 23-راكەتكاسى ەلەنا رىباكينا مايامي WTA 1000 تۋرنيرٸنٸڭ تٶرتٸنشٸ اينالىمىنا شىعا المادى, دەپ حابارلايدى قازاقپارات.
وسى جارىستىڭ 21-راكەتكاسى بولىپ تٸركەلگەن ە.رىباكينا ٷشٸنشٸ اينالىمدا دٷنيەجٷزٸلٸك رەيتينگتە 58-ورىندا تۇرعان يسپانييالىق سارا سورريبەس-تورمومەن كەزدەستٸ.
سورريبەس-تورمو ەكٸنشٸ اينالىمدا ەلەمنٸڭ 14-راكەتكاسى, امەريكالىق دجەنيفەر برەيديدٸ 3:6, 6:4, 6:1 ەسەبٸمەن ۇتقان بولاتىن.
بٸرٸنشٸ پارتييادا ويىن تٸزگٸنٸن قولىنا العان يسپانييالىق تەننيسشٸ ايقىن باسىمدىلىق كٶرسەتتٸ – 6:1.
ەكٸنشٸ سەتتە دە سورريبەس-تورمو برەيكپەن العا كەتتٸ – 2:0. دەگەنمەن رىباكينا تارازى باسىن تەڭەستٸردٸ – 2:2. سوسىن تاعى بٸر برەيك جاساپ, ٶز گەيمٸن دە الىپ, ەسەپتٸ 5:3-كە جەتكٸزدٸ. قارقىندى ٷدەتكەن ول سەتتٸ برەيكپەن تٷيٸندەدٸ – 6:3.
ٷشٸنشٸ, شەشۋشٸ پارتييانى قارسىلاستار برەيك الماسۋمەن باستادى – 1:1. سودان كەيٸن يسپانييالىق تەننيسشٸ العا شىقتى – 3:1. تاعى بٸر برەيك – 4:1. رىباكينا برەيك جاساعانىمەن, ٶز گەيمٸن بەرٸپ قويدى – 2:5. يسپانييالىق سپورتشى ماتچقا دوپ بەرگەندە, ٶز مٷمكٸندٸگٸن جٸبەرگەن جوق – 6:2.
تارتىستى بەسەكە 2 ساعات 28 مينۋتقا سوزىلدى.
س.سورريبەس-تورمو شيرەك فينالعا شىعۋ ٷشٸن ەلەمنٸڭ 4-راكەتكاسى, امەريكالىق سوفييا كەنين نەمەسە رەيتينگتە 30-ساتىداعى تۋنيس ٶكٸلٸ ونس جابەردٸڭ بٸرەۋٸمەن تالاسادى.
وسىلايشا ەرلەر مەن ەيەلدەر اراسىندا ٶتٸپ جاتقان مايامي ماستەرس دوداسىندا قازاقستاننان الەكساندر بۋبليك قانا قالدى. ول ٷشٸنشٸ اينالىمدا اۋسترالييالىق دجەيمس داكۆورتپەن شەبەرلٸك بايقاسادى.
