Kordova qalasynda Billi Djin King kýbogynyń plei-off kezeńinde Qazaqstan áielder quramasy Argentinany jeńdi, dep habarlaidy "Ult aqparat".
Jekelei kezdesýlerde esep 2:2 bolǵannan keiin match taǵdyry juptyq synda sheshildi.
Qazaqstannan qurama kapitany Iaroslava Shvedova men Anna Danilina, Argentinadan Nadia Podoroska men Mariia Lýrdes Karle kortqa shyqty.
Kapitannyń ózi oiynǵa aralasqannan keiin onyń ornyna Zarina Diias shyǵyp, qurama múshelerine kómektesti.
Birinshi partiiada qazaqstandyq jup qarsylastaryna birde-bir geim bergen joq – 6:0.
Ekinshi sette esep 2:2 bolǵan sátte argentinalyqtar breik jasap, alǵa shyqty. Olar setke dop bergende, qazaqstandyq jup qaiyra breik jasady – 5:5. Ia.Shvedova men A.Danilina taǵy bir breikpen matchty bitirdi – 7:5.
Juptyq báseke 1 saǵat 25 minýtqa sozyldy.
Osylaisha Qazaqstan quramasy 3:2 esebimen jeńiske jetip, Billi Djin King kýbogynyń sheshýshi irikteý kezeńine joldama aldy. Bul básekeler aldaǵy jyly ótedi. Jerebe tartylǵannan keiin Qazaqstan quramasynyń qarsylastary anyqtalady.
