تەننيستەن قازاقستان ەيەلدەر قۇراماسى ارگەنتينانى جەڭدٸ

كوردوۆا قالاسىندا بيللي دجين كينگ كۋبوگىنىڭ پلەي-وفف كەزەڭٸندە قازاقستان ەيەلدەر قۇراماسى ارگەنتينانى جەڭدٸ, دەپ حابارلايدى "ۇلت اقپارات".

جەكەلەي كەزدەسۋلەردە ەسەپ 2:2 بولعاننان كەيٸن ماتچ تاعدىرى جۇپتىق سىندا شەشٸلدٸ.

قازاقستاننان قۇراما كاپيتانى ياروسلاۆا شۆەدوۆا مەن اننا دانيلينا, ارگەنتينادان ناديا پودوروسكا مەن مارييا لۋردەس كارلە كورتقا شىقتى. 

كاپيتاننىڭ ٶزٸ ويىنعا ارالاسقاننان كەيٸن ونىڭ ورنىنا زارينا ديياس شىعىپ, قۇراما مٷشەلەرٸنە كٶمەكتەستٸ.

بٸرٸنشٸ پارتييادا قازاقستاندىق جۇپ قارسىلاستارىنا بٸردە-بٸر گەيم بەرگەن جوق – 6:0.

ەكٸنشٸ سەتتە ەسەپ 2:2 بولعان سەتتە ارگەنتينالىقتار برەيك جاساپ, العا شىقتى. ولار سەتكە دوپ بەرگەندە, قازاقستاندىق جۇپ قايىرا برەيك جاسادى – 5:5. يا.شۆەدوۆا مەن ا.دانيلينا تاعى بٸر برەيكپەن ماتچتى بٸتٸردٸ – 7:5.

جۇپتىق بەسەكە 1 ساعات 25 مينۋتقا سوزىلدى.

وسىلايشا قازاقستان قۇراماسى 3:2 ەسەبٸمەن جەڭٸسكە جەتٸپ, بيللي دجين كينگ كۋبوگىنىڭ شەشۋشٸ ٸرٸكتەۋ كەزەڭٸنە جولداما الدى. بۇل بەسەكەلەر الداعى جىلى ٶتەدٸ. جەرەبە تارتىلعاننان كەيٸن قازاقستان قۇراماسىنىڭ قارسىلاستارى انىقتالادى.