«Dáýlet» sport kombinatynda tennisten ótip jatqan Qazaqstan qysqy chempionatynda jartylai finalǵa ótkender belgili boldy, dep habarlaidy "Ult aqparat".
Qazaqstan tennis federatsiiasy málim etkenindei, áielder arasynda birinshi raketka bolyp tirkelgen Arýjan Saǵyndyqova erteń Ýliana Romanovamen kezdesedi. Olardyń ekeýi de - elordalyqtar.
Al 2016 jylǵy el chempiony, shymkenttik Gózal Ainitdinova taǵy bir elordalyq Janel Rústemovamen sheberlik baiqasady.
Shirek finalda G.Ainitdinova 14 jasar almatylyq Asyljan Arystanbekovany 6:4, 6:4 esebimen utsa, J.Rústemova ótken jylǵy birinshiliktiń kúmis júldegeri, taǵy bir almatylyq Mariia Sinitsynany 6:1, 7:5-pen joldan taidyrdy.
Ý.Romanova asa tartysty básekede elordalyq Sandýǵash Kenjebaevany 6:4, 2:6, 6:4 esebimen jeńip ketti. Al A.Saǵyndyqovanyń pavlodarlyq Sofia Chýrsinamen kezdesýi tipti tartysty boldy. Birinshi sette Arýjan basymdylyq kórsetti - 6:4. Ekinshisinde Sofia qarymta qaiyrdy - 6:1. Úshinshi, sheshýshi partiiada esep 5:2 bolǵan mezette Chýrsina úsh birdei matchbolyn paidalana almady. Esesine kúsh alǵan Arýjan budan keiin bet qaratpady - 7:5.
Erler arasynda tosyn nátije bolǵan joq. Jekelei synda jartylai finalda shymkenttik Dostanbek Tashbolatov qyzylordalyq Ersultan Erdildamen, Nur-Sultan ókili Islam Orynbasar temirtaýlyq Grigorii Lomakinmen kortqa shyǵady. Shirek finalda D.Tashbolatov Nikita Sidorovtyń meselin qaiyrdy - 6:2, 6:3. G.Lomakin de jas tennisshi Maksim Batiýtenkomen kezdesýde qinalǵan joq - 6:3, 6:1. E.Erdilda Jáńgir Almashevti utty - 7:5, 6:2. I.Orynbasar Rodion Paktan basym tústi - 4:6, 6:4, 6:2.
